2023 ලෝක කුසලාන එක්දින ක්රිකට් තරගාවලියේ සුදුසුකම් ලබා ගැනීමේ තරගාවලියට පෙර පැවති දෙවැනි පුහුණු තරගයෙන් ඇමෙරිකා එක්සත් ජනපද කණ්ඩායම පරදා ලකුණු 198ක ජයක් වාර්තා කිරීමට ශ්රී ලංකා කණ්ඩායම ඊයේ සමත් වුණා.
තරගයේ කාසියේ වාසිය දිනූ ඇමෙරිකාවේ ආරාධනයෙන් පළමුව පන්දුවට පහරදුන් ශ්රී ලංකා කණ්ඩායම නියමිත පන්දුවාර 50 තුළ කඩුලු 5 ක් දැවී ලකුණූ 392ක් රැස් කිරීමට සමත් වුණා.
පැතුම් නිස්සංක ලකුණු 25 කට දැවී ගියා. අනතුරුව දෙවැනි කඩුල්ල සදහා ලකුණු 191ක සම්බන්ධතාවයක් පිහිටුවීමට දිමුත් කරුණාරත්න හා කුසල් මෙන්ඩිස් සමත් වුණා.
එහිදී කුසල් මෙන්ඩිස් ලකුණු 105 ක් සහ දිමුත් කරුණාරත්න ලකුණු 111 ක් රැස් කළා.
මෙහිදී නායක දසුන් ශානක පන්දු 30 කින් නොදැවී රැස් කළ ලකුණු සංඛ්යාව 61 ක්.
පිළිතුරු ඉනිම ක්රීඩා කළ ඇමෙරිකා කණ්ඩායමට පන්දුවාර 33යි පන්දු 2ක් අවසානයේ සියලු දෙනා දැවී ලබා ගත හැකි වූයේ ලකුණු 194 ක් පමණයි.
පන්දු යැවීමේ දී මතිෂ පතිරණ ලකුණු 23 කට කඩුලු 4 ක් බිද හෙලූ අතර, වනිදු හසරංග ලකුණු 32 කට කඩුලු 2 ක් ද, කසුන් රාජිත ලකුණු 28 කට කඩුලු 2 ක් ද බිද හෙලුවා.
