අස්වැසුම සමාජ සුභසාධන ප්‍රතිලාභ වැඩසටහන යටතේ කඩිනමින් ප්‍රතිලාභ ගෙවීමට අමාත්‍ය මණ්ඩල අනුමැතිය හිමිව තිබෙනවා.
ජනාධිපතිර රනිල් වික්‍රමසිංහ මහතා විසින් අමාත්‍ය මණ්ඩලයට යොමු කළ යෝජනාවකට එලෙස අනුමැතිය හිමිව ඇති බව සඳහන්.
මේ අතර අසුවැසුම ප්‍රතිලාභ වැඩසටහන සදහා සුදුසුකම් නොලැබූ දැනට සමෘද්ධි සහනාධාරය ලබන පවුල් තුන් ලක්ෂ අනූ තුන් දහස් අනූ හතර දෙනෙකු සදහා සමෘද්ධි දීමනාව තවදුරටත් ලබා දීමට තීරණය කළ බව මුදල් රාජ්‍ය අමාත්‍ය ශෙහාන් සේමසිංහ මහතා පවසනවා.
එමෙන්ම සියලු රජයේ බැංකු, නිවාඩු දිනවල ද විවෘතව තැබීමට රජය තීරණය කර තිබෙනවා.
ඒ, අස්වැසුම සමාජ සුභසාධන ප්‍රතිලාභ ලබා ගැනීමට සිටින පිරිසට ගිණුම් විවෘත කිරීමට පහසු වන ලෙසයි.
ඒ අනුව අද දිනයේදී සියලු රාජ්‍ය බැංකු විවෘතව පවතිනු ඇති.
