කිසිදු පොලිස් නිලධාරියෙකුට වසර තුනකට වඩා එකම පොලිසියේ සේවය කිරීමට ඉඩ නොදී ක්රමානුකූලව මාරුකර යවන බව මහජන ආරක්සක ඇමැති ආනන්ද විජයපාල මහතා පවසනවා.
වසර තුනකට අධික කාලයක් එකම පොලිසියේ සේවය කළහොත් පොලිස් නිලදාරීන් ප්රදේශයේ නීතිවිරෝධී කටයුතු සිදුකරන පුද්ගලයන් සමග හිතවත්කම් ගොඩනගා ගැනීමට ඉඩ තියෙන බවද ඇමැතිවරයා කියා සිටිනවා.
මෑතකදී සිදු කළ පොලිසියේ මාරුකිරීම් සම්බන්ධයෙන් වැරදි අදහස් ඇති කර නොගන්නා ලෙස පැවසූ අමාත්යවරයා වසර තුනකට වැඩි කාලයක් එකම පොලිසියේ හෝ පොලිස් කොට්ඨාසයේ සේවය කළ පොලිස් නිලදාරීන් සෑම කෙනෙකෙුම වැරදිකරුවන්ගේ තත්ත්වයට පත් නොකරන බවද කියා සිටියා.
පොලිස් කොට්ඨාසයේ මහජනතාව අතර ජනප්රිය වූ ජ්යෙෂ්ඨ, කනිෂ්ඨ නිලධාරීන් ඕනෑ තරම් සිටින බවද ඒ අනුව මාරුකර යවන පොලිස් නිලධාරීන් පිළිබඳ වැරදි අවබෝධයක් ඇති කර නොගන්නා ලෙසද අමාත්යවරයා ඉල්ලා සිටිනවා.
