සංචාරක ශ්‍රී ලංකා ක්‍රිකට් කණ්ඩායම සහ ඉන්දීය කණ්ඩායම අතර තරග තුනකින් සමන්විත විස්සයි විස්ස තරගාවලයේ පළමු තරගයෙන් ලකුණු දෙකක තියුණු ජයක් වාර්තා කිරීමට සත්කාරක ඉන්දීය කණ්ඩායම සමත් වූවා.
තරගයේ කාසියේ වාසිය දිනාගත් ශ්‍රී ලංකා කණ්ඩායම පළමුවෙන් පන්දු රැකීමට තීරණය කළා.
ඒ් අනුව පන්දුවට පහරදීමට පිටියට පැමිණි සත්කාරක ඉන්දිය ක්‍රිකට් කණ්ඩායම නියමිත පන්දුවාර විස්ස අවසානයේ කඩුලු 5ක් පමණක් දැවී ලකුණු 162ක් ලබාගැනීමට සමත් වූවා.
ඉන්දියා කණ්ඩායම වෙනුවෙන් වැඩිම ලකුණු සංඛ්‍යාවක් රැස් කරනු ලැබුවේ නොදැවී පන්දුවට පහරුදුන් Deepak Hooda යි.ඔහු
නොදැවී පන්දු 23කදී ලකුණු 41ක් ලබාගත්තේ හයේ පහර හතරක් සහ එක් හතරේ පහරක් සමගින් මිනිත්තු 41කදීයි.
නොදැවී පන්දුවට පහරදුන් අනෙක් පිතිකරු වූ Axar Pagel පන්දු 20කදී ලකුණු 31ක් රැස්කර ගැනීමට සමත් වූවා.
ඉන්දීය කණ්ඩායම වෙනුවෙන් Ishan Kishan ලකුණු 37ක්ද නායක Hardik Pandya ලකුණු 29ක්ද රැස්කිරීමට සමත් වූවා.
පන්දු යැවීමේදී ශ්‍රී ලංකා කණ්ඩායම වෙනුවෙන් කසුන් රජිත, ඩිල්ෂාන් මධුසංක, මහීෂ් තීක්ෂණ, චාමික කරුණාරත්න, ධනංජය ද සිල්වා සහ වනිදු හසරංග එක් කඩුල්ල බැගින් බිදහෙළීමට සමත් වූවා.
ලකුණු 163ක ජයග්‍රාහී ඉලක්කයක් හඹා යාමට පිටියට පිවිසි ශ්‍රී ලංකා කණ්ඩායමට නියමිත පන්දුවාර විස්ස අවසානයේ ලබාගත හැකි වූයේ සියලුම දෙනා දැවී ලකුණු 160ක් පමණි.
එහිදී නායක දසුන් ශානක ලකුණු 45ක් ලබාගැනීමට සමත් වූවා.
කුසල් මෙන්ඩිස් ලකුණු 28ක්ද වනිදු හසරංග ලකුණු 21ක් ලබාගැනීමට සමත් වූවා.
නොදැවී පන්දුවට පහර දුන් චාමික කරුණාරත්න ලකුණු 23ක් ලබාගැනීමට සමත් වූවා.
ඉන්දීය කණ්ඩායම වෙනුවෙන් පන්දු යැවීමේදී Shivam Mavi කඩුලු හතරක්ද Umran Malik සහ Harshal Patel කඩුලු දෙක බැගින්ද බිඳහෙළීමට සමත් වූවා.
තරගයේ වීරයා Deepak Hooda යි.
තරගාවලියේ දෙවන තරගය එළැඹෙන 5 වනදා ඉන්දියාවේ පූනේ හිදී පැවැත්වීමට නියමිතයි.
