අලුත උපන් සිය බිලිඳු දරුවා රෝහලේ දමා පලාගිය මවක් පිලිබඳ පුවතක් යාපනය ශික්ෂණ රෝහලෙන් වාර්තාවනවා.
මෙලෙස සිය බිලිඳු දරුවා රෝහලේ තනිකර පලා ගොස් ඇත්තේ පාසල් වයසේ පසුවන බාලවයස්කාර මවක් බව සඳහන්.
ඒ අනුව 15 හැවිරිදි වියේ පසුවන අදාල බාලවයස්කාර මව ඊයේ දරු ප්රසූතියක් සඳහා යාපනය ශික්ෂණ රෝහලට ඇතුළත් කර තිබෙනවා.
ඇය ඊයේ රාත්රියේ ම දරුවෙක් ප්රසූත කර ඇති අතර, ඇය සම්බන්ධයෙන් අද උදෑසන සොයාබලන විට බිහිකළ දරුවා රෝහලේ තනිකර පළාගොස් ඇති බවයි අනාවරණය වී ඇත්තේ.
බාලවයස්කාර සිසුවිය සමඟ ඇයගේ මවද සිට ඇති අතර, ඔවුන් දෙදෙනාම මෙලෙස පළාගොස් ඇති බවයි වාර්තා වන්නේ.
කෙසේවෙතත් අදාළ සිසුවිය වඩමාරච්චි, තුන්නාලෙයි ප්රදේශයේ පදිංචිකාරියක් බවට තොරතුරු අනාවරණය වී තිබෙනවා..
සිද්ධිය සම්බන්ධයෙන් යාපනය පොලිසිය පරීක්ෂණ ආරම්භ කර ඇති බව සඳහන්.
