2024 පන්දුවාර විස්සයි 20 ලෝක කුසලාන ක්‍රිකට් තරගාවලියට පෙර සිදු කෙරුණු අවසන් යාවත්කාලීන සහිත ක්‍රීඩක ශ්‍රේණිගත කිරීම් ජාත්‍යන්තර ක්‍රිකට් කවුන්සලය විසින් ඊයේ නිවේදනය කළා.
ඒ අනුව විස්සයි 20 පිතිකරුවන් අතර 7 වැනි ස්ථානය දක්වා එක් ස්ථානයකින් ඉදිරියට පැමිණීමට එංගලන්ත නායක ජොස් බට්ලර් සමත්ව තිබෙනවා.
එංගලන්තයේ ජොනී බෙයාර්ස්ටෝව් 36 වැනි ස්ථානය දක්වා ස්ථාන 8කින් ඉදිරියට පැමිණීමටයි සමත්ව ඇත්තේ.
එමෙන්ම පාකිස්තානයේ ෆකාර් සමාන් ද පිතිකරුවන් අතර ස්ථාන 6කින් ඉදිරියට පැමිණ ඇති අතර, ඔහු මේ වන විට රැදී සිටින්නේ 51 වැනි ස්ථානයේයි.
මේ අතර, බටහිර ඉන්දීය කොදෙව් පිතිකරුවන් වන බ්‍රෙන්ඩන් කිංග් පිතිකරුවන් ශ්‍රේණිගත කිරීම්හි 8 වැනි ස්ථානය දක්වා ස්ථාන 5කින් ද, ජොන්සන් චාර්ල්ස් 20 වැනි ස්ථානය දක්වා ස්ථාන 17 කින් ද, කයිල් මේයර්ස් 31 වැනි ස්ථානය දක්වා ස්ථාන 12 කින් ද ඉදිරියට පැමිණ තිබෙනවා.
එංගලන්තයේ රීස් ටොප්ලි 9 වැනි ස්ථානය දක්වා ඉදිරියට පැමිණ ඇත්තේ එක් ස්ථානයකින්.
පාකිස්තානයේ ශහීන් ශාහ් අෆ්රිඩි 11 වැනි ස්ථානය දක්වා ස්ථාන 3 කින් ඉදිරියට පැමිණීමටයි සමත්ව ඇත්තේ.
හැරිස් රවුෆ් 25 වැනි ස්ථානය දක්වා ස්ථාන දෙකකින් ද, ඉමාඩ් වසීම් 38 වැනි ස්ථානය දක්වා ස්ථාන 14 කින් ද, ඉදිරියට පැමිණ තිබෙනවා.
