බලපත්ර නොමැතිව ඉන්ධන සන්තකයේ තබාගෙන සිටි සැකකරුවන් දෙදෙනෙක් මීගමුව පොලිසිය විසින් අත්අඩංගුවට ගෙන තිබෙනවා.
පොලිසිය කියා සිටියේ ඊයේ(20) සවස් කාලයේ මීගමුව, අක්කර 50 ප්රදේශයේ සහ දළුපොත ප්රදේශයේදී සැකකරුවන් අත්අඩංගුවට ගැනුණු බවයි.
එහිදී බලපත්ර නොමැතිව පෙට්රල් ලීටර් 18ක් සන්තකයේ තබාගෙන සිටි සැකකරුවන් දෙදෙනෙක් අත්අඩංගුවට ගෙන ඇති බවයි පොලිසිය පවසන්නේ.
සැකකරුවන් වයස අවුරුදු 51 සහ 53 යන වයස්වල පසුවන අක්කර 50 සහ දළුපොත ප්රදේශවල පදිංචිකරුවන් බවත් මීගමුව පොලිසිය විසින් වැඩිදුර විමර්ශන සිදු කරනු ලබන බවත් පොලිසිය කියා සිටියා.
මේ අතර බලපත්ර නොමැතිව ඉන්ධන සන්තකයේ තබාගැනීම හා විකිණීම සම්බන්ධයෙන් සැකකරුවෙක් කළුතර උතුර පොලිසිය විසින් අත්අඩංගුවට ගෙන තිබෙනවා.
ඊයේ(20) සවස් කාලයේ කළුතර උතුර, බෝසිරිපුර ප්රදේශයේදී කළුතර උතුර පොලිස් ස්ථානයේ නිලධාරීන් කණ්ඩායමක් විසින් ලද තොරතුරක් මත වැටලීමක් සිදුකර බලපත්ර නොමැතිව පෙට්රල් ලීටර් 35 මිලිලීටර් 500ක් සන්තකයේ තබාගැනීම සහ විකිණීම සම්බන්ධයෙන් සැකකරුවෙක් අත්අඩංගුවට ගෙන තිබෙනවා.
සැකකරු වයස අවුරුදු 32ක් පමණ වන බෝසිරිපුර ප්රදේශයේ පදිංචිකරුවෙක් බවත් කළුතර උතුර පොලිසිය විසින් වැඩිදුර විමර්ශන සිදු කරනු ලබනවා.
