පාර්ලිමේන්තුව අද පෙරවරු 09.30ට ආරම්භ වුණා.
ඒ අනුව අද දිනයේදීත් ජාත්‍යන්තර මූල්‍ය අරමුදලෙන් මෙරටට ලැබුණු ණය සහනය පිළිබද ජනාධිපති රනිල් වික්‍රමසිංහ මහතා සිදු කළ විශේෂ ප්‍රකාශය සම්බන්ධයෙන් තෙවැනි දිනටත් සභාව කල් තැබීමේ විවාදය පැවැත්වෙනවා.
ආහාරය උද්දමනය වැඩි වී ඇති අවස්ථාවක සිගරට් මත පවතින බද්ධ අඩු කරන්නේ කුමන හේතුවක් නිසාද යන්න විපක්ෂ නායක සජිත් ප්‍රේමදාස මහතා අද පාර්ලිමේන්තුවේ දී ආණ්ඩුවෙන් ප්‍රශ්න කළා .
මේ අතර ශ්‍රී ලංකාවේ ළමා මන්දපෝෂණ තත්ත්වය වැඩිවෙමින් පවතින්නේද යන්න පිළිබඳව සොයාබැලීමටත් ඒ සඳහා ගතයුතු කෙටිකාලීන මධ්‍යකාලීන සහ දිගුකාලීන ක්‍රියාමාර්ග පිළිබඳව සොයාබැලීමටත් හඳුනාගත් ක්‍රියාමාර්ග කඩිනමින් ක්‍රියාත්මක කිරීම අධීක්ෂණය සඳහා පාර්ලිමේන්තු විශේෂ කාරක සභාවක් නම්කර තිබෙනවා .
ඒ පිළිබදව කතානායක මහින්ද යාපා අබේවර්ධන මහතා මෙලෙස සභාවට දැනුම් දුන්නා .
එමෙන්ම පළාත්පාලන මැතිවරණයට මුදල් ලබාදීම සම්බන්දයෙන්ද පාර්ලිමේන්තු මන්ත්‍රී රන්ජිත් මද්දුම බණ්ඩාර මහතා මෙලෙස අදහස් පලකළා .
පළාත්පාලන මැතිවරණය පිළිබදව සිතීමෙන් පලක් නොවන බව පාර්ලිමේන්තු මන්ත්‍රී දයාසිරි ජයසේකර මහතා පවසනවා .
මේ තුලින් රාජ්‍ය සේවකයින් බොහෝ පිරිසක් අසරණ තත්වයට පත්වී ඇති බවයි ඔහු කියාසිටියේ .
මේ අතර ආණ්ඩු පක්ෂයේ ප්‍රධාන සංවිධායක ප්‍රසන්න රණතුංග මහතා ප්‍රකාශ කළේ මැතිවරණය පමා කරන්නේ ආණ්ඩුව නොවන බවයි .
ඉදිරියේදී රටේ ජනතාවට සහන ලබාදීම සදහා ජනාධිපති සමග එක්ව විස්හස වැඩ පිළිවලක් සකස් කර ඇති බවයි අග්‍රාමාත්‍ය දිනේෂ් ගුණවර්ධන මහතා අද පාර්ලිමේන්තුවේදී යාසිටියේ.
