මහනුවර – අකුරණ ප්‍රදේශයේ යම් ප්‍රහාරයක් සිදුවිය හැකි බවට 118 හදිසි ඇමතුම් අංකයට වැරදි තොරතුරු ලබාදුන් සැකකරු අද පෙරවරුවේ අත්අඩංගුවට ගත් බව පොලිසිය සඳහන් කළා.
පරිගණක අපරාධ විමර්ශන කොට්ඨාසයේ නිලධාරින් විසින් සැකකරු අද පෙරවරුවේ අත්අඩංගුවට ගෙන ඇති බවයි තොරතුරු වාර්තා වුණේ.
හාර්ස්පත්තුව, බටුගොඩ ප්‍රදේශයේ පදිංචි ඉසදීන් මොහොමඩ් සජිත් නැමැති මොහු 21 හැවිරිදි වියේ පසුවන්නෙක්.
මෙම සැකකරු මවුලවිවරයෙකු ලෙස ද කටයුතු කරන අයෙක් බවයි තොරතුරු අනාවරණය වී ඇත්තේ.
මහනුවර – අකුරණ නගරයට බෝම්බ ප්‍රහාරයක් සිදුවිය හැකි බවට පසුගිය 18 වනදා සහ මුස්ලිම් ජනතාව වැඩි වශයෙන් ගැවසෙන ප්‍රදේශ කිහිපයකට ප්‍රහාර එල්ලවිය හැකි බවට පසුගිය 19 වනදා සැකකරු විසින් 118 හදිසි ඇමතුම් අංකයට ව්‍යාජ තොරතුරක් ලබා දී තිබෙනවා.
