කොළඹ පහ රාමනාදන් හින්දු විද්යාලයේ දෙමාපියන් පිරිසක් විරෝධතාවක නිරත වීම හේතුවෙන් ඩුබ්ලිකේෂන් පාර සම්පුර්ණයෙන්ම අද අවහිර වුනා..
දිල්සි හම්සිකා සිසුවිය ඝාතනය කිරීමේ සිද්ධියට ගුරුවරුන් දෙදෙනෙකු වගකිව යුතු බවට චෝදනා කරමිනුයි දෙමාපියන් පිරිසක් මෙසේ විරෝධතාවක නිරතව ඇත්තේ.
පසුගිය 29 වනදා මෙම සිසුවිය මිය ගොස් තිබුණා.
විරෝධතාකරුවන් විද්යාලය ඉදිරිපිට මාර්ගය අවහිර වන සේ විරෝධතාවේ නිරත වන බවයි වාර්තා වුනේ.
පොලිස් කැරළි මර්දන ඒකකය ද මෙම ස්ථානයට කැඳවා තිබුනා.
මෙම සිදුවීම සම්බන්ධයෙන් අධ්යාපන අමාත්යාංශය විශේෂ නිවේදනයක් නිකුත් කර තිබෙනවා.
එහි සඳහන්ව ඇත්තේ අදාළ සිදුවීම සම්බන්ධයෙන් මේ වනවිට නොසන්සුන්කාරී තත්ත්වයක් හට ගෙන ඇති අතර, ඒ සඳහා අමාත්යාංශයේ අවධානය යොමු වූ බවයි.
ඒ අනුව අදාළ විද්යාලයේ විදුහල්පතිවරයාගෙන් නිදහසට කරුණු විමසීමටත්, සිද්ධියට අදාළ ගුරුවරයා වහාම ස්ථාන මාරු කිරීමටත් කටයුතු කර ඇතැයි අමාත්යාංශය නිකුත් කළ නිවේදනයේ වැඩි දුරටත් දක්වා තිබෙනවා.
මේ වනවිට අදාළ සිදුවීම සම්බන්ධයෙන් පොලිස් විමර්ශන වාර්තාවක් කැඳවා ඇති අතර, වාර්තාව ලද වහාම විනය ක්රියාමාර්ග ගැනීමට කටයුතු කරන බවයි ද අදාළ නිවේදනයේ දක්වා ඇත්තේ.
උණුසුම් පුවත්
- ජාත්යන්තර ක්රිකට් විනිසුරු ජාන් ෂින්වාරි දිවියෙන් සමුගනී
- අසල්වැසි කැනඩාවටත් ට්රම්ප්ගෙන් දැවැන්ත බද්දක්
- ජනාධිපති සහ ගේට්ස් පදනම අතර සාකච්ඡා
- වසර 35 කට පසු ඛණිජ තෙල් සංස්ථාවේ සේවක බඳවා ගැනීම් ප්රතිසංස්කරණය කෙරේ
- බ්රසීලයෙන් අමෙරිකාවට දැවැන්ත බද්දක්
- අමෙරිකාව සහ ඉන්දියාව අතර තවත් සාකච්ඡා වටයක්
- මත්තල ජාත්යන්තර ගුවන්තොටුපොළ ගැන අමාත්ය බිමල්ගෙන් ප්රකාශයක්
- කැබ් රියට යටවී සිව් හැවිරිදි දරුවෙකු ජීවිතක්ෂයට