හැඩ ඔය ආශ්‍රිත පහත් බිම් ප්‍රදේශවලට ගංවතුර තත්ත්වයක් ඇතිවීමේ හැකියාවක් පවතින බව වාරිමාර්ග දෙපාර්තමේන්තුව පවසනවා .
වර්ෂාතනය හේතුවෙන් මේ වනවිට හැඩඔයේ ජල මට්ටම සීඝ්‍රයෙන් ඉහළ යන බවයි එම දෙපාර්තුමේන්තුව අවධාරණය කළේ.
ඒ අනුව මොණරාගල දිස්ත්‍රික්කයේ සියඹලාණ්ඩුව සහ අම්පාර දිස්ත්‍රික්කයේ ලාහුගල ප්‍රාදේශීය ලේකම් කොට්ඨාශවලට අයත් හැඩඔය ආශ්‍රිත පහත් බිම් ප්‍රදේශවල පදිංචි ජනතාවට මෙම අනතුරු ඇගවීම නිකුත් කර තිබුණා.
