දිවයින පුරා පරිපූරක වෛද්‍ය වෘත්තිකයින් ආරම්භ කල සංකේත වැඩවර්ජනය අද දිනයේත් ක්‍රියාත්මකයි.
වෛද්‍ය නිලධාරින් සදහා ලබා දුන් රුපියල් 35,000 ක දීමනාව පරිපූරක වෛද්‍ය වෘත්තියවේදීන්ට ලබා නොදීමට එරෙහිවයි මෙම වැඩවර්ජනය ආරම්භ කර ඇත්තේ .
ඊයේ පෙරවරු 8 ට දිවයින පුරා රජයේ රෝහල්වල මෙම වැඩ වර්ජනය ආරම්භ කරනු ලැබුවා.
සෞඛ්‍ය වෘත්තියවේදීන්ගේ විද්වත් සංගමයේ සභාපති රවි කුමුදේශ් මහතා පැවසුවේ වෛද්‍යවරුන්ට ලබා දුන් එම දීමනාව පරිපූරක වෛද්‍ය වෘත්තියවේදීන්හටද ලබා දිය යුතු බවයි.
මේ අතර රුපියල් 35,000 ක දීමනාව ඉල්ලා මහජන සෞඛ්‍ය පරීක්ෂකවරුන් ඇතු`ඵ සෞඛ්‍ය සේවා 10 ක සාමාජිකයින් වැඩවර්ජනයක නිරත වීමට තීරණය කර තිබෙනවා.
අද පෙරවරු 8 සිට පැය 48 ක කාලයක් මෙම වැඩවර්ජනය ක්‍රියාත්මක බවයි අතුරු වෛද්‍ය සේවා ඒකාබද්ධ පෙරමුණ සදහන් කළේ.
