බස්නාහිර, දකුණ, නැගෙනහිර, උතුරු මැද පළාත් මෙන්ම කුරුණෑගල, කිළිනොච්චි, වව්නියා, සහ මුලතිව් දිස්ත්‍රිකවල ඇතැම් ස්ථානවලට අධික උණුසුම පිළිබඳ නිකුත් කළ අවවාදාමත්ක නිවේදනය කාලගුණ විද්‍යා දෙපාර්තමේන්තුව විසින් තවදුරටත් බලාත්මක කර තිබෙනවා.
එම පළාත්වල මිනිස් සිරුරට දැනෙන උණුසුම,පිළිබදව අවධානය යොමු කළ යුතු මට්ටමක පවතිනු ඇති බවයි කාලගුණ විද්‍යා දෙපාර්තමේන්තුව පෙන්වා දෙන්නේ.
අදාළ කාලසීමාව තුළ උෂ්ණත්වයට නිරාවරණය වී සිදුකරන ක්‍රියාකාරකම් හේතුවෙන් විජලනය වැනි තත්ත්වයන් ඇති විය හැකියි.
එළිමහනේ සිටින විට ප්‍රමාණවත් පරිදි ජලය පානය කරන ලෙසත්, හැකි සෑම විටම සෙවන ඇති ස්ථානවල රැඳී සිටින ලෙසත්, කාලගුණ විද්‍යා දෙපාර්තමේන්තුව ජනතාවට දැනුම් දෙනු ලබනවා.
කුඩා ළමුන්, වැඩිහිටියන් සහ රෝගී පුද්ගලයින්, මේ පිළිබඳ වැඩි වශයෙන් අවදානය යොමුකළ යුතු බවයි එම දෙපාර්තමේන්තුව සඳහන් කලේ.
මේ අතර ප්‍රජා වෛද්‍ය විශේෂඥ සමිත සිරිතුංග මහතා සඳහන් කරන්නේ අවුරුදු සමයේදී සිදු කරන ගම හරහා දිවීම වැනි අවුරුදු ක්‍රීඩා සිදු කිරීමේදී ඒවා උදැසන කාලයේදී පැවැත්වීමට ක්‍රියා කල යුතු බවයි.
වොයිස් – සමිත සිරිතුංග
මේ අතර බෝ නොවන රෝග තත්ත්වයන්ගෙන් ආරක්ෂා වීමට කටයුතු කරනලෙස සෞඛ්‍ය ප්‍රවර්ධන කාර්යංශය ජනතාවගෙන් ඉල්ලීමක් කරනවා.
මිනිස් ශරිරයට අවශ්‍ය කැලරි ප්‍රමානය ඉක්මවන ආහාර වර්ග ලබා ගැනීම බෝ නොවන රෝගී තත්ත්වයන්ට ප්‍රධාන හේතුවක් බවයි එම කාර්යංශය සදහන් කළේ.
විශේෂයෙන් උත්සව සමයේ විවිධ ආහාර පාන ලබා ගැනීමේ මේ සම්බන්ධයෙන් අවධානය යොමු කළ යුතු බව සෞඛ්‍ය ප්‍රවර්ධන කාර්යංශය පෙන්වා දෙනවා.
