විස්සයි විස්ස ලෝක කුසලාන ක්‍රිකට් තරගාවලියේ ශ්‍රී ලංකාව සහ එංගලන්තය අතර පැවැති සුපිරි 8 වටයේ තරගයෙන් ලකුණු 51ක දැවැන්ත ජයක් ලබාගැනීමට එංගලන්ත කණ්ඩායම ඊයේ(22) සමත් වූවා.
තරගයේ කාසියේ වාසිය දිනාගත් ශ්‍රී ලංකා කණ්ඩායම පළමුවෙන් පන්දු යැවීමට තීරණය කළ අතර ඒ අනුව පන්දුවට පහරදීමට පිටියට පැමිණි එංගලන්ත කණ්ඩායම නියමිත පන්දුවාර 20 අවසානයේ කඩුලු 9ක් දැවී ලකුණු 146ක් ලබාගැනීමට සමත් වූවා.
Phil Salt ලකුණු 62ක් ලබාගත් අතර Will Jacks ලකුණු 21ක් ලබාගැනීමට සමත් වූවා.
සෙසු කිසිදු ක්‍රීඩකයෙක් ලකුණු 20 සීමාවට පැමිණීමට සමත් වූයේ නැහැ.
පන්දු යැවීමේ ශ්‍රී ලංකා කණ්ඩායම වෙනුවෙන් දුනිත් වෙල්ලාලගේ කඩුලු 3ක් දවා ගැනීමට සමත් වූවා.
එසේම ඩිල්ෂාන් මධුෂංක සහ මහීෂ් තීක්ෂණ කඩුලු දෙක බැගින් දවා ගැනීමට සමත් වූවා.
දුෂ්මන්ත චමීරට දවා ගැනීමට හැකි වූයේ එක් කඩුල්ලක් පමණයි.
ලකුණු 147ක ජයග්‍රාහී ඉලක්කයක් හඹා යාමට පිටියට පැමිණි ශ්‍රී ලංකා කණ්ඩායම පන්දුවාර 16.4කදී සියලු දෙනා දැවූ ලකුණු 95කට දැවී යාමත් සමගින් දැවැන්ත පරාජයක් ලබාගැනීමට සමත් වූවා.
ශ්‍රී ලංකා කණ්ඩායම වෙනුවෙන් නායක දසුන් ශානක පමණක් ලකුණු 30ක් ලබාගැනීමට සමත් වූ අතර සෙසු කිසිදු ක්‍රීඩකයෙකු ලකුණු 15 සීමාව ඉක්මවා යාමට සමත් වූවේ නැහැ.
පන්දු යැවීමේදී එංගලන්ත කණ්ඩායම වෙනුවෙන් Will Jacks කඩුලු 3ක් දවාගත් අතර Jofra Archer, Liam Dawson සහ Adil Rashid කඩුලු දෙක බැගින් දවා ගැනීමට සමත් වූවා.
Jamie Overton හට දවා ගැනීමට හැකි වූයේ එක් කඩුල්ලක් පමණයි.
පන්දු 14කදී ලකුණු 21ක් සහ ලකුණු 22කට කඩුලු 3ක් දවාගත් Will Jacks තරගයේ වීරයා ලෙසින් නම් කෙරුණා.
