සම්භාහන මධ්යස්ථාන මුවාවෙන් පවත්වාගෙන ගිය ගණිකා නිවාස දෙකක් වටලා සැකකරුවෙක් සහ සැකකාරියන් 12ක් කළුතර කොට්ඨාස අපරාධ විමර්ශන කාර්යාංශය විසින් අත්අඩංගුවට ගෙන තිබෙනවා.
ඊයේ(09) රාත්රී අළුත්ගම නගරයේදී කළුතර කොට්ඨාස අපරාධ විමර්ශන කාර්යාංශයේ නිලධාරීන් කණ්ඩායමක් විසින් වැටලීම් දෙක්ක සිදුකර සම්භාහන මධ්යස්ථාන මුවාවෙන් පවත්වාගෙන ගිය ගණිකා නිවාස දෙකක් වටලා තිබෙනවා.
එහිදී ගණිකා නිවාස කළමනාකරණය කිරීම සම්බන්ධයෙන් සැකකරුවෙකු හා ගණිකා සේවය සැපයීම සඳහා රැඳී සිටි සැකකාරියන් 12 දෙනෙකු අත්අඩංගුවට ගෙන අළුත්ගම පොලිස් ස්ථානය වෙත ඉදිරිපත් කර තිබෙනවා.
සැකකරු වයස අවුරුදු 57ක් වන අළුත්ගම ප්රදේශයේ පදිංචිකරුවෙකු වන අතර සැකකාරියන් අවුරුදු 23ත් 43ත් අතර වයස්වල පසුවන තල්ගස්වල, මත්තක, ඇල්පිටිය, කිරිඇල්ල, නවන්තුඩුව, උඩකරවිට, වාද්දුව, මොරටුව, බදුල්ල, මාස්පොත, නුවරඑළිය සහ බිබිළ යන ප්රදේශවල පදිංචිකාරියන් බවයි පොලිසිය පවසන්නේ.
අළුත්ගම පොලිසිය විසින් වැඩිදුර විමර්ශන සිදු කරනු ලබනවා.
