ලෝක කුසලාන 20යි 20 ක්‍රිකට් තරඟාවලියට සුදුසුකම් ලබා ගැනීමට ශ්‍රී ලංකා කාන්තා කණ්ඩායම සමත් වුණා.
ඒ ඊයේ පැවති සුදුසුකම් ලබා ගැනීමේ තරඟාවලියේ අවසන් පූර්ව වටයේදී එක්සත් අරාබි එමීර් රාජ්‍ය කාන්තා කණ්ඩායම ලකුණු 15න් පරාජයට පත් කරමින්.
එම තරඟයේ පළමුවෙන් පන්දුවට පහරදුන් ශ්‍රී ලංකා කාන්තා කණ්ඩායම නියමිත පන්දුවාර 20 අවසානයේ කඩුලු 6ක් දැවී ලකුණු 149ක් රැස් කළා.
ඊට පිළිතුරු ඉනිම ක්‍රීඩා කළ එක්සත් ආරාබි එමීර් රාජ්‍ය කාන්තා කණ්ඩායමට පන්දුවාර 20 අවසානයේ කඩුලු 7ක් දැවී රැස් කරගත හැකි වූයේ ලකුණු 134ක් පමණයි.
