ශ්රී ලංකාව සහ සංචාරක බටහිර ඉන්දීය කොදෙව් කණ්ඩායම අතර ඊයේ දඹුල්ල ජාත්යන්තර ක්රිකට් ක්රීඩාංගණයේ දී පැවැති තෙවැනි විස්සයි විස්ස ක්රිකට් තරගය කඩුලු 09කින් ජය ගැනීමට ශ්රී ලංකා කණ්ඩායම සමත් වුනා.
මෙම තරග ජයත් සමග තරග 3කින් යුත් තරගාවලිය තරග 2-1ක් ලෙසින් ජයගැනීමටයි ශ්රී ලංකා කණ්ඩායමට හැකිවුනේ.
ශ්රී ලංකාව ලැබූ මෙම තරගාවලි ජයත් සමග ශ්රී ලංකා – කොදෙව් විස්සයි20 තරග ඉතිහාසයේ ඔවුන් බටහිර ඉන්දීය කොදෙව්වන්ට එරෙහිව ලැබූ ප්රථම තරගාවලි ජය ලෙසයි ඉතිහාසයට එක වෙන්නේ.
දෙරට අතර පළමුවෙන්ම ද්විපාර්ශ්වීය විස්සයි20 තරගාවලියක් පැවැත්වූයේ 2015 වසරේදී ශ්රී ලංකාවේදී.
ඊයේ පැවති තරගයේ කාසියේ වාසිය දිනා පළමුව පන්දුවට පහරදුන් කොදෙව් කණ්ඩායම පන්දුවාර 20 තුළදී කඩුලු 8ක් දැවී ලකුණු 162ක් රැස්කිරීමට සමත් වුනා.
ඒ අනුව පිළිතුරු ඉනිම ක්රීඩාකළ ශ්රී ලංකා කණ්ඩායම එක් කඩුල්ලක් පමණක් දැවී තිබියදී තරගයේ 18වැනි පන්දුවාරයේදී ජයග්රාහී ඉලක්කය පසුකර යාමට හැකි වුනා.
ශ්රී ලංකාව ජයග්රාහී කඩයිම කරා රැගෙන ගිය ආරම්භක පිතිකරු කුසල් මෙන්ඩිස් ඉලක්කය සම්පූර්ණ කරගන්නා විටත් කඩුල්ලේ රැඳී සිටිමින් ලකුණු 68ක් රැස්කරගෙන සිටි අතර කුසල් රැස්කළේ ඔහුගේ 15වැනි විස්සයි20 අර්ධ ශතකය ද වීම විශේෂත්වයක්.
මෙහිදී කුසල් සමගින් දෙවැනි කඩුල්ලට ලකුණු 106ක සබඳතාවක් පැවැත් වූ කුසල් පෙරේරාද සිය විස්සයි20 දිවියේ 15වැනි අර්ධ ශතකය රැස්කරමින් නොදැවී ලකුණු 55ක් රැස්කරගෙන කඩුල්ලේ රැඳී සිටියා.
