ලොකු ළූණු සහ ටින් මාළු සඳහා පනවා තිබු විශේෂ වෙළෙඳ භාණ්ඩ බද්ද සංශෝධනය කිරීමට රජය පියවර ගෙන තිබෙනවා.
මේ අනුව දෙසැම්බර් මස පළමු වනදා සිට ක්රියාත්මක වන පරිදි අදාළ බදු සංශෝධනයන් සිදුකර ඇති බව මුදල් ආර්ථික ස්ථායිකරණ සහ ජාතික ප්රතිපත්ති අමාත්යංශය සඳහන් කළා.
පසුගිය වසරේ සැප්තැම්බර් මස 22 වන දින සිට ලොකුළුණු කිලෝග්රෑම් එකක් සඳහා පනවා තිබු රුපියල් 50 ක විශේෂ වෙළෙඳ භාණ්ඩ බද්ද රුපියල් 10 ක් දක්වා මේ අනුව අඩු කෙරෙනු ඇති.
පසුගිය මැයි මස 18 වනදා සිට ටින් මාළු කිලෝග්රෑම්යක් සඳහා අය කළ රුපියල් 100 ක විශේෂ වෙළෙඳ භාණ්ඩ බද්ද රුපියල් 200 දක්වා ඉහළ දමා ඇති බව වාර්තා වන්නේ.
අදාළ බදු සංශෝධනයන් මුදල් ආර්ථික ස්ථායිකරණ සහ ජාතික ප්රතිපත්ති අමාත්යවරයා ලෙස ජනාධිපති රනිල් වික්රමසිංහ මහතා විසින් සිදුකර තිබෙනවා.
මේ සම්බන්ධයෙන් මුදල් රාජ්ය අමාත්ය රංජිත් සියඹලාපිටිය මහතා මෙලෙස මාධ්ය වෙත අදහස් දක්වා සිටියා.
