තලංගම පැලවත්ත ප්රදේශයේ තෙමහල් නිවසක ඉහල මහලේ පිහිණුම් තටාකය තුල මිය ගොස් සිටි කෝටිපති නිමිඇඳුම් ව්යාපාරිකයාගේ මරණය සම්බන්ධයෙන් අඹුසැමි යුවළක් අත්අඩංගුවට ගනු ලැබුවා.
27 හැවිරිදි සැකකරු කඳාන ප්රදේශයේදී අත්අඩංගුවට ගත බවයි පොලිස් මුලස්ථානය සඳහන් කලේ. 23න් හැවිරිදි සැකකාරිය කොළඹ අපරාධ කොට්ටාශයේ නිලධාරීන් විසින් අත්අඩංගුවට ගෙන තිබුනා. ඔවුන් නාරාහේන්පිට ප්රදේශයේ පදින්චිකරුවන්.
සැකකරුවන් දිවයිනෙන් බැහැරව ගොස් ඇති බවට මීට පෙර සැකකෙරුණත් පසුව අනාවරණ වී ඇත්තේ එම විදෙස්ගත වීමේ ප්රයත්නය අසාර්ථක වී ඇති බවයි.
ඉකුත් 30 වෙනි දින ව්යාපාරිකයා අතුරුදන්ව තිබූ අතර මළ සිරුර ඊට දින දෙකකට පසු ඉඳිකරමින් පවතින ඔහුට අයත් සුඛෝපභෝගී තෙමහල් නිවසක නාන තටාකයේ තිබියදී තලංගම පොලීසිය විසින් සොයා ගනු ලැබුවා.
ව්යාපාරිකයාගේ මෝටර් රථය මීගමුව ප්රදේශයේ ගරාජයක් අසල නවතා තිබියදී ඉකුත් තුන් වෙනි දින හමුව තිබුනා.
