රුමේනියාවේ විදේශ රැකියා ලබාදෙන බව පවසා මහා පරිමාණ විදේශ රැකියා වංචාවක නිරත වූ රේන්බෝ මෑන් පවර් විදේශ රැකියා ආයතනයේ හිමිකරු පෙබරවාරි මස 13 දක්වා යලිත් රක්ෂිත බන්ධනාගාර ගත කිරීමට ගංගොඩවිල මහේස්ත්රාත්වරයා නියෝග කර තිබෙනවා.
එලෙස රිමාන්ඩ් භාරයට පත් කරන ලද්දේ මහරගම ප්රදේශයේ රේන්බෝ මෑන් පවර් නමින් විදේශ රැකියා ආයතනයක් පවත්වාගෙන යමින් රුපියල් කෝටි 90ට අධික මුදලක් වංචාකළ බවට පසුගිය වසරේ ඔක්තෝම්බර් 10 දින සැකපිට අත්අඩංගුවට ගත් තැනැත්තා බවයි විදේශ සේවා නියුක්ති කාර්යාංශය පවසන්නේ.
වංචනික ආකාරයෙන් මුදල් ලබාගත් පුද්ගලයින්ට ගෙවීම් කරන ආකාරය පිළිබඳ වාර්තාවක් මීළග නඩු වාරයේදී ඉදිරිපත් කරන ලෙසටද මහේස්ත්රාත්වරයා වගඋත්තර පාර්ශ්වයට නියෝග කළ අතර, සැකකරු සතු වත්කම් සම්බන්ධව පූර්ණ වාර්තාවක්ද එදින අධිකරණයට ඉදිරිපත් කරන ලෙස CIDයට නියෝග කෙරුණා.
රුමේනියාවේ රැකියා ලබා දෙන බව පවසා මුදල් වංචා කළ බවට මෙම සැකකාර විදේශ රැකියා හිමිකරුට එරෙහිව පැමිණිලි 470 ක් පමණ ශ්රී ලංකා විදේශ සේවා නියුක්ති කාර්යාංශයට ලැබි තිබෙනවා.
පසුව මෙම පැමිණිලි සම්බන්ධව ඉදිරි විමර්ශනය සඳහා අපරාධ පරීක්ෂණ දෙපාර්තමේන්තුවට කාර්යාංශය විසින් එම පැමිණිලි භාරදී තිබෙනවා.
ඊට අමතරව තවත් පැමිණිලි 400ට අධික ප්රමාණයක් අපරාධ පරීක්ෂණ දෙපාර්තමේන්තුවටද ලැබී ඇති බවයි විදේශ සේවා නියුක්ති කාර්යාංශය පවසන්නේ.
පැමිණිල්ල වෙනුවෙන්, ශ්රී ලංකා විදේශ සේවා නියුක්ති කාර්යාංශය හා අපරාධ පරීක්ෂණ දෙපාර්තමේන්තුව පෙනී සිටියා.
