දිවයිනේ පවතින අයහපත් කාලගුණික හා ස්වභාවික ආපදා තත්ත්වය හේතුවෙන් කල් ඉකුත් වූ රියදුරු බලපත්ර ඇති රියදුරන් හට තම රියදුරු බලපත්ර අලුත් කර ගැනීම සඳහා මෝටර් රථ ප්රවාහන දෙපාර්තමේන්තු කාර්යාලය වෙත පැමිණීමට බාධා එල්ලවී ඇති බව නිරීක්ෂණය වී තිබෙනවා.
එම තත්ත්වය සැලකිල්ලට ගෙන 2025.11.25 වන දින සිට 2025.12.25 වන දින දක්වා කාලය තුල කල් ඉකුත් වන රියදුරු බලපත්ර අලුත් කර ගැනීම සඳහා විශේෂ සහන කාලයක් ලබා දීමට මෝටර් රථ ප්රවාහන දෙපාර්තමේන්තුව තීරණය කර ඇති අතර එම කාල වකවානුව තුල කල් ඉකුත් වූ රියදුරු බලපත්ර ලඟ තබා ගෙන රිය පැදවීම රථ වාහන නීති උල්ලංඝණය කිරීමක් ලෙස නොසලකන ලෙසට මෝටර් රථ ප්රවාහන කොමසාරිස් විසින් දැනුම් දී ඇති බවයි සඳහන් වන්නේ.
ඒ අනුව, ඉහත සඳහන් සහන කාලය තුලදී කල් ඉකුත් වන රියදුරු බලපත්රයක් ලඟ තබා ගනිමින් රිය පැදවීම සම්බන්ධව නීතිය ක්රියාත්මක කිරීමේදී මෙම තත්ත්වය සැලකිල්ලට ගෙන ක්රියා කරන ලෙස පොලිස්පතිතුමා විසින් සියලු පොලිස් ස්ථාන දැනුවත් කර තිබෙනවා.
