අධිකරණයෙන් වරෙන්තු නිකුත් කර සිටි හිටපු අමාත්ය රාජිත සේනාරත්න මහතා රක්ෂිත බන්ධනාගාරගත කර තිබෙනවා.
ඒ, අල්ලස් කොමිසම විසින් ගොනුකර තිබූ නඩුවක් සඳහා අද කොළඹ මහාධිකරණය හමුවේ පෙනී සිටි අවස්ථාවේදියි.
කොළඹ මහාධිකරණ විනිසුරු ලංකා ජයරත්න මෙනෙවිය හමුවට රාජිත සේනාරත්න මහතා ඉදිරිපත් කිරීමෙන් අනතුරුවයි මෙම නියෝගය නිකුත් කරනු ලැබුවේ.
ඒ අනුව රාජිත සේනාරත්න මහතා කොළඹ මහෙස්ත්රාත් අධිකරණයට ඉදිරිපත් කරන තෙක් රක්ෂිත බන්ධනාගාරගත කරන ලෙස මහාධිකරණ විනිසුරුවරිය නියම කළා.
ධීවර හා වරාය නීතිගත සංස්ථාවේ තිබූ නෞකාවක් අවභාවිත කළ බවට චෝදනා කරමින් 2013 වසරේ ලැබුණු නිර්නාමික පැමිණිල්ලකට අනුව අල්ලස් කොමිසම විසින් රාජිත සේනාරත්න මහතාට එරෙහිව පසුගියදා විමර්ශනයක් ආරම්භ කළා.
මෙම විමර්ශනයට අදාළව ප්රකාශයක් ලබාදෙන ලෙස අල්ලස් කොමිසම විසින් රාජිත සේනාරත්න මහතාට දන්වා සිටියද ඔහු එය මගහරිනු ලැබුවා.
මේ හේතුවෙන් රාජිත සේනාරත්න මහතාව අත්අඩංගුවට ගැනීම සඳහා කොළඹ මහේස්ත්රාත් අධිකරණය විසින් වරෙන්තු නිකුත් කිරීමට කටයුතු කළා.
