මුල් ළමාවිය රැකවරණය සහ සංවර්ධනය පිළිබඳ ජාතික සතිය අද සිට ආරම්භ වනවා . එය එළඹෙන ජූලි 20 වැනිදා දක්වා , විකසිත වන ළමා ලොවට – හිරු කිරණකි සොඳුරු පවුල , යන තේමාව යටතේ දිවයින පුරා ක්‍රියාත්මකයි. කාන්තා සහ ළමා කටයුතු අමාත්‍ය සරෝජා සාවිත්‍රි පෝල්රාජ් මහත්මිය ඊයේ රජයේ ප්‍රවෘත්ති දෙපාර්තමේන්තුවේ පැවති මුල් ළමාවිය ජාතික සතිය පිළිබඳ දැනුවත් කිරීමේ මාධ්‍ය සාකච්ඡාවට එක්වෙමින් මේ බව නිල වශයෙන් දැනුම් දුන්නා. ශාරීරික, මානසික, සමාජීය සහ බුද්ධිමය සංවර්ධනයෙන් පිරිපුන් දරු පරපුරක් බිහිකිරීම එහි ප්‍රධාන අරමුණ බවයි අමාත්‍යවරිය සඳහන් කලේ. මුල් ළමාවිය සංවර්ධනය පිළිබඳ දැනුවත් ප්‍රජාවක් ගොඩනැඟීම ද මෙම වැඩසටහනේ තවත් අරමුණක් බව ද ඇය පැවසුවා.
