මැතිවරණ වියදම් නියාමනය කිරීමේ පනත් කෙටුම්පත අද විවාදයට ගැනීමට පාර්ලිමේන්තු කටයුතු පිළිබද කාරක සභාව තීරණය කර තිබෙනවා.
ඒ, කතානායක මහින්ද යාපා අබේවර්ධන මහතාගේ ප්රධානත්වයෙන් එම කාරක සභාව ඊයේ රැස්වූ අවස්ථාවේදීයි.
මේ අතර පනත් කෙටුම්පත පාර්ලිමේන්තුවට ඉදිරිපත් කිරීම පිළිබද ජනාධිපති රනිල් වික්රමසිංහ මහතා සහ පක්ෂ නියෝජිතයින් අතර විශේෂ සාකච්ඡාවක් ද පාර්ලිමේන්තුවේදී අද පැවැත්වුණා.
ඊට විපක්ෂය සහභාගි වී නොසිටි බවද සඳහන්.
කෙසේ වෙතත් පනත් කෙටුම්පත පිළිබද විවාදය අද පෙරවරු 10.30 සිට පස්වරු 05.00 දක්වා පැවැත්වීමට නියමිතයි.
මේ අතර පුනරුත්ථාපන කාර්යාංශ පනත් කෙටුම්පත දෙවැනි වර කියවීම සඳහා ඊයේ පාර්ලිමේන්තුවේදී ඡන්දයක් පැවැත් වුණා.
එහිදී පනතට පක්ෂව ඡන්ද 23 ක් සහ විරුද්ධව ඡන්ද 06 ක් හිමි වුණා.
පසුව එම පනත කාරක සභා අවස්ථාවේදී සලකා බලා සංශෝධන සහිතව සම්මත වූ අතර ඒ අනුව කථානායකවරයා සඳහන් කළේ පුනරුත්ථාපන කාර්යාංශ පනත් කෙටුම්පත තෙවැනි වර කියවීම සංශෝධන සහිතව සම්මත වූ බවයි.
