බිංගිරිය, පඩිවෙල ප්රදේශයේ පුද්ගල ඝාතනයක් සිදුව තිබෙනවා.
පොලිසිය කියා සිටියේ පඩිවෙල ප්රදේශයේ නිවසක පුරුෂයා විසින් තම බිරිඳට තියුණු ආයුධයකින් පහරදී ඝාතනය කර ඇති බවට බිංගිරිය පොලිසිය ලද පණිවුඩයක් මත විමර්ශන ආරම්භ කර ඇති බවයි.
මෙලෙස ඝාතනයට ලක්ව ඇත්තේ වයස අවුරුදු 61ක් පමණ වූ පඩිවෙල ප්රදේශයේ පදිංචිකාරියක් බවද පොලිසිය පවසා සිටියා.
මරණකාරිය හා පුරුෂයා අතර ඇති වූ පවුල් ආරවුලක් දුරදිගයාම හේතුවෙන් මෙම ඝාතනය කර ඇති බවට දැනට සිදුකරන ලද විමර්ශන අනුව අනාවරණය වී තිබෙනවා.
සිද්ධියට සම්බන්ධ සැකකරු අත්අඩංගුවට ගෙන ඇති අතර සැකකරුද ඇති වූ අසනීප තත්ත්වයක් මත බිංගිරිය රෝහල වෙත ඇතුළත් කිරීමෙන් පසුව මියගොස් තිබෙනවා.
මියගිය සැකකරු වයස අවුරුදු 59ක් වූ පඩිවෙල ප්රදේශයේ පදිංචිකරුවෙකි.
මෘත ශරීර පශ්චාත් මරණ පරීක්ෂණය සඳහා කුලියාපිටිය රෝහලේ මෘත ශරීරාගාරයේ තැන්පත් කර ඇති අතර බිංගිරිය පොලිසිය වැඩිදුර විමර්ශන සිදුකරනු ලබනවා.
