තම දිවියම පා පැදිය වෙනුවෙන් කැප කළ, ශ්රී ලංකාවේ අග්රගණ්ය පාපැදි ශූරයෙකු වූ ඒ.එම්. සුමනවීර මහතා අභාවප්රාප්ත වී තිබෙනවා. සිව් වතාවක් ලංකා සවාරිය ජයග්රහණය කරමින් එම වාර්තාවට සම හිමිකම් කී ඔහු, විශේෂයෙන්ම කඳු නැඟීමේ ශුරයා ලෙසින් මෙරට තුළ අතිශය ප්රසිද්ධියට පත්ව සිටි පුද්ගලයෙකුද වනවා. මේ අනුව ඔහු ජීවත්ව සිටින තුරාම එම කීර්තිනාමය කිසිවෙකුට ඉක්මවා යාමට නොහැකි වීමද විශේෂත්වයක්. ඒ.එම්. සුමනවීර මහතාගේ ජීවිතය පා පැදිය සමඟ බැඳී පැවති අතර රත්නපුරය, නිවිතිගල මාර්ගයේ දෑල පිහිටි සිය නිවසේ සිට කොළඹ තෙල් සංස්ථාවේ සේවයටද ඔහු පැමිණ ඇත්තේ පා පැදියෙන් බවයි සඳහන් වන්නේ. ඒ.එම්. සුමනවීර මහතාගේ ආභාෂය ලබමින් ඔහුගේ දරුවන් ද පා පැදි තරග සඳහා ඉදිරිපත් වූ අතර, දියණියන් දෙදෙනෙකු වන ඩිලුක්ෂි සහ අයේෂා ජාතික මෙන්ම ජාත්යන්තර මට්ටමේ ජයග්රහණ පවා ශ්රී ලංකාවට රැගෙන ඒමට කටයුතු කර තිබෙනවා. අභාවප්රාප්ත පාපැදි ශූර ඒ. එම්. සුමනවීර මහතාගේ දේහය පිළිබඳ අවසන් කටයුතු ඊයේ දිනයේදී මල්වල ආදාහනාගාරයේදී සිදු කෙරුණා.
උණුසුම් පුවත්
- අල ගොවීන්ගේ ගැටලුවලට විසඳුම් ලබාදීමේ සාකච්ජාවක්
- වී තොගයක් රජයේ වී ගබඩාවලට ලබාදීමට මෝල් හිමියන් එකඟ වෙයි
- මදුරුවන් බෝවන පරිශ්ර පවත්වාගෙන ගිය පුද්ගලයන්ට එරෙහිව නඩු
- හිටපු ආගමන විගමන පාලක ඉලුක්පිටිය වරද පිළිගනී
- තායිලන්ත අගමැතිනියගේ සේවය අත්හිටුවයි
- ට්රම්ප්ගේ බිග් බියුටිෆුල් කෙටුම්පතට සෙනට් සභාවේ ඡන්ද විමසීමක්
- ලිට්රෝ ගෑස් මිලට මොකද වෙන්නේ…?
- ඉන්දියාවේ රසායනික කම්හලක පිපිරීමක් – 12ක් මරුට