පානදුර, හිරණ පොලිස් වසමේ, මාලමුල්ල ප්රදේශයේ නිවසක කාමරයක් තුළ නිදා සිටි පුද්ගලයෙකු ඉලක්ක කර අද අළුයම වෙඩි තැබීමක් සිදු කර තිබෙනවා. පොලීසිය සඳහන් කළේ නාඳුනන පුද්ගලයෙකු විසින් නිවසේ ජනේලයක් බිඳ වෙඩි තැබීම සිදු කර පලා ගොස් ඇති බවයි වාර්තා වන්නේ. වෙඩි වැදීමෙන් තුවාල ලැබූ පුද්ගලයා ප්රථිකාර සඳහා පානදුර රෝහලට ඇතුළත් කර තිබෙනවා. තුවාලකරු වයස අවුරුදු 32 ක් වූ මාලමුල්ල ප්රදේශයේ පදිංචිකරුවෙකු බවයි පොලිසිය සඳහන් කළේ. වෙඩි තැබීමට හේතුව සහ සැකකරුවන් සම්බන්ධයෙන් මෙතෙක් තොරතුරු අනාවරණය වී නැහැ. වෙඩි තැබීම සඳහා පිස්තෝල වර්ගයේ ගිනි අවියක් භාවිත කර ඇති බවට පොලීසිය සැක පල කරනවා. සැකකරුවන් අත්අඩංගුවට ගැනීම සඳහා පොලිස් කණ්ඩායම් තුනක් වැඩිදුර විමර්ශන සිදු කරන බවද පොලිස් මාධ්ය කොට්ඨාසය පැවසුවා. මෙම වෙඩි තැබීම කුඩු සළිඳු සහ නිලංග නැමැත්තා අතර ඇති වූ ගැටුමේ කුඩු සළිඳු පාර්ශ්වයේ පුද්ගලයෙකු ඉලක්ක කර සිදු කළ වෙඩි තැබීමක් බවටයි පොලීසිය සැක පල කරන්නේ.
උණුසුම් පුවත්
- වත්කම් බැරකම් ප්රකාශ භාර නොදුන් පාර්ලිමේන්තු මන්ත්රීවරුන් රැසකට කථානායකගෙන් අවවාද
- හොරණ විශේෂ රථ වාහන පරීක්ෂාවක්
- පොලිසියේ පුරප්පාඩු 5000ක් කඩිනමින් පිරවීමට පියවර
- නව අධ්යාපන ප්රතිසංස්කරණ පිළිබඳ ගුරු සංගම්වලින් සාධනීය යෝජනා
- අමාත්ය වෛද්ය නලින්ද ජයතිස්ස මහතා හා වෘත්තීය සමිති නියෝජිතයන් පිරිසක් අතර සාකච්ඡා
- මන්ත්රී රෝහිත අබේගුණවර්ධනගේ බෑණාට ඇප
- ලිට්රෝ සහ ලාෆ්ස් ගෑස් මිලට වෙච්චි දේ
- ලාංකිකයන් සඳහා රටවල් රැසකින් විශාල රැකියා අවස්ථාවන්