පෙබරවාරි 04 වනදා පැවැත්වීමට නියමිත 77 වන ජාතික නිදහස් දින සැමරුම වෙනුවෙන් කොළඹ රථවාහන කොට්ඨාසය මගින් විශේෂ රථ වාහන සැලැස්මක් ක්රියාත්මක කිරීමට කටයුතු යොදා තිබෙනවා.
ඒ, කොළඹ නිදහස් චතුරස්රය කේන්ද්ර කර ගනිමින්.
ඒ අනුව, මෙම පෙරහුරුවන් ජනවාරි 29 වනදා සිට පෙබරවාරි 02 වනදා තෙක් සෑම දිනකම පැවැත්වීමට නියමිතයි.
එම දිනවල උදෑසන 6 සිට දහවල් 12 දක්වා කුරුඳුවත්ත විජේරාම මාවතින් විද්යා මාවත දෙසට ඇතුල්වීම, කුරුඳුවත්ත බෞද්ධාලෝක මාවතින් මේටිලන්ටි පෙදෙසට ඇතුල්විම සහ කුරුඳුවත්ත බෞද්ධාලෝක මාවතින් ප්රේම කීර්ති ද අල්විස් මාවත දෙසට ඇතුල්වීමට ඇති මාර්ග වසා දමනු ඇති.
එමෙන්ම කුරුඳුවත්ත ස්ටැන්ලි විජේසුන්දර මාවතින් පදනම් ආයතනය දෙසට ඇතුල්වීම, කුරුඳුවත්ත නිදහස් වටරවුමෙන් නිදහස් චතුරස්රය දෙසට ඇතුල්වීම සහ කුරුඳුවත්ත හෝර්ටන් පෙදෙස මේටිලන්ටි ක්රසන්ටි හංදියෙන් නිදහස් වටරවුම දෙසට ඇතුල්වීමට ඇති මාර්ග වසා දමා තිබෙනවා.
කුරුඳුවත්ත ආර්.ජී.සේනානායක මාවතින් මේටිලන්ඩි ක්රසන්ටි ඔස්සේ නිදහස් වටරවුම දෙසට ඇතුල්විම සහ කුරුඳුවත්ත නිදහස් වටරවුම දෙසින් මේටිලන්ටි ක්රසන්ටි දෙසට ඇතුල්වීම ද මෙම කාලසීමාව තුළදී තාවකාලිකව වසා දමනු ඇති.
