පිළිකා රෝගීන්ට සහ ළමුන්ට ප්‍රතිකාර කිරීම සදහා නවීන රෝහල් පිහිටුවීමට ජනාධිපති රනිල් වික්‍රමසිංහ මහතා උපදෙස් ලබා දී තිබෙනවා.
යාපනය, හම්බන්තොට, බදුල්ල සහ අනුරාධපුර දිස්ත්‍රික්කවල සුදුසු ස්ථානයක මෙම රෝහල් පිහිටුවන ලෙසයි ජනාධිපතිවරයා උපදෙස් ලබා දී ඇත්තේ.
ඒ අනුව එම රෝහල් පිහිටුවීමේ හැකියාව අධ්‍යනය කර මාස 2 ක් ඇතුළත වාර්තාවක් ඉදිරිපත් කරන ලෙස ද සෞඛ්‍ය අමාත්‍යාංශයේ ලේකම්වරයාට ජනාධිපතිවරයා දැනුම් දී තිබෙනවා.
ජනාධිපති ලේකම් ඊ.එම්.එස්.බී. ඒකනායක මහතා විසින් ඊට අදාළ කටයුතු සම්පාදනය කරන ලෙසට සෞඛ්‍ය අමාත්‍යාංශයේ ලේකම්වරයාට උපදෙස් ලබා දී ඇති බවයි ජනාධිපති මාධ්‍ය ලේකම් අංශය සදහන් කළේ.
