වැට් බද්ද ඉහළ දැමීමත් සමග දුරකථන, අන්තර්ජාල සහ රූපවාහිනි සේවා ගාස්තු සියයට 3 කින් ඉහළ ගොස් තිබෙනවා.
ඒ අනුව සියයට 38.4 ක් ලෙස පැවති දුරකථන සේවාවල සම්පූර්ණ බදු ප්‍රතිශතය සියයට 42 ක් පමණ වනු ඇති බවයි විදුලි සංදේශ සේවා සපයන්නන් පැවසුවේ.
මේ අතර නව වැට් බදු සංශෝධනයෙන් පසු අන්තර්ජාල සේවා ගාස්තු 20.3 සිට 23.5 දක්වා ඉහළ ගොස් තිබෙනවා.
මෙම බදු සදහා සෙසු බද්ද සහ සමාජ ආරක්ෂණ බද්ද ඇතුළත් වන බව සදහන්.
මේ අතර වැට් බදු ඉහළ දැමුනද සත්ව නිෂ්පාදන මිල වැඩි නොකරන බව ශ්‍රී ලංකා සත්ව නිෂ්පාදකයින්ගේ සංගමය පවසනවා.
සත්ව නිෂ්පාදන මිල තවදුරටත් ඉහළ දැමුවහොත් ජනතාවට එය දරාගත නොහැකි බවයි එහි සභාපති අජිත් ගුණසේකර මහතා පැවසුවේ.
