රුපියල් එක් කෝටි පනස් ලක්ෂයක් වටිනා විදේශීය නිෂ්පාදිත දුම්වැටි තොගයක් නීතිවිරෝධී ලෙස මෙරටට රැගෙන ආ ශ්රී ලාංකික ගුවන් මගීන් දෙදෙනෙකු අද ගුවන් තොටුපොළ පොලිස් මත්ද්රව්ය කාර්යාංශයේ නිලධාරීන් පිරිසක් විසින් අත්අඩංගුවට ගෙන තිබෙනවා.
මොවුන් දෙදෙනා මීගමුව ප්රදේශයේ පදිංචි විවාහක අඹසැමි යුවළක්.
ඔවුන් දෙදෙනා අද අලුයම 02.30 ට අබුඩාබි නුවර සිට ඉටිහාඩ් ගුවන් සේවයේ ඊ.වයි.- 394 දරන ගුවන් යානයෙන් කටුනායක ගුවන් තොටුපොළ වෙත පැමිණ තිබුණා.
ඔවුන් දෙදෙනා විසින් රැගෙන ආ ගමන් මලු 06 ක් තුළ , විදේශීය නිෂ්පාදිත දුම්වැටි ලක්ෂයක් අඩගු දුම්වැටි කාටූන් 500 ක් සඟවා ගෙන සිටියදී සිය භාරයට ගත් බවයි පොලිස් මත්ද්රව්ය කාර්යාංශයේ නිලධාරීන් සඳහන් කළේ.
මේ වනවිට මොවුන් දෙදෙනා පොලිස් ඇප මත මුදා හැර ඇති අතර එළඹෙන 14 දින මොවුන් මීගමුව මහේස්ත්රාත් අධිකරණය වෙත ඉදිරිපත් කිරීමට නියමිතයි.
