මෝසම් වැසි සහ නිවර්තන සුළි සුළංවල බලපෑම හේතුවෙන් පිලිපීනයේ පුද්ගලයින් 380,000කට අධික පිරිසකට බලපෑම් එල්ල වී තිබෙනවා. විදෙස් මාධ්ය වාර්තා කළේ එරට කලාප 08ක පවුල් 110,000කට අයත් පුද්ගලයින් 382,000ක පීඩාවට පත්ව සිටින බවයි.
එමෙන්ම අයහපත් කාලගුණයේ බලපෑම්වලින් සිදුවු ආපදාවලින් මියගිය පුද්ගලයින් සංඛ්යාව 06දෙනෙකු දක්වා ඉහළ ගොස් ඇති අතර තවත් 07දෙනෙකු තුවාල ලබා ඇති බවද සදහන්.. එමෙන්ම මෙම ආපදා හේතුවෙන් නිවාස 148කට අධික සංඛ්යාවකට හානි සිදුව ඇති බවයි විදෙස් මාධ්ය වැඩි දුරටත් වාර්තා කළේ. මේ අතර මෙම වසරේ චීනයට කඩා වැදුණු ප්රබලම නිවර්තන කුණාටුව වන ”ඩොල්ෆින්” සුළි කුණාටුව, චීනයේ නැගෙනහිර වෙරළ තීරයට ළඟා වී තිබෙනවා. දැඩි වර්ෂාපතනයක් සහ ප්රබල සුළං සමඟින් පැමිණි මෙම කුණාටුව හේතුවෙන් ගංවතුර සහ නායයෑම් ඇතිවීමේ දැඩි අවදානම් අනතුරු ඇඟවීම් නිකුත් කර ඇති බවයි විදෙස් මාධ්ය වාර්තා කළේ. චීනයට ළඟා වීමට පෙර මෙම කුණාටුව ජපානයේ දකුණු ඔකිනාවා ප්රාන්තය හරහා ගමන් කළා. එහිදී පුද්ගලයන් 6 දෙනෙකු තුවාල ලබා ගොඩනැගිලි 50,000කට වැඩි සංඛ්යාවක විදුලි සැපයුම බිඳ වැටී ඇති බවයි වාර්තා වන්නේ. චීන කාලගුණවිද්යා අංශ සඳහන් කළ පරිදි, ‘ඩොල්ෆින්‘ සුළි කුණාටුව ඊයේ එරට වෙලාවෙන් පස්වරු 5:30ට පමණ නැගෙනහිර ෂෙජියැං ප්රාන්තයේ යූහුවාන් ප්රදේශය අසලින් ගොඩබිමට ඇතුළු වී තිබෙනවා. ගොඩබිමට ළඟ වන අවස්ථාවේදී එහි කේන්ද්රය අසල උපරිම සුළගේ වේගය පැයට කිලෝමීටර් 151ක් ලෙස සටහන් වී ඇති බව සදහන් . ජාතික කාලගුණ විද්යා මධ්යස්ථානයේ ප්රධාන කාළගුණ විද්යාඥ වැන්ග් හයිපිං ප්රකාශ කළේ, අගෝස්තු 10 වන දින දක්වා ෂෙජියැං, ෂැංහයි, උතුරු ෆුජියන්, ඊසානදිග ජියැංසි, අන්හුයි සහ ජියැන්සු යන ප්රදේශවලට දැඩි වැසි අපේක්ෂා කරන බවයි. ෂෙජියැං ප්රාන්තයේ මධ්යම සහ නැගෙනහිර ප්රදේශවලට මිලිමීටර් 250ත් 500ත් අතර වැසි ලැබිය හැකි බව පුරෝකථනය කර තිබෙනවා.
