වසරේ ගතවූ කාලය තුළ වාර්තා වී ඇති ඩෙංගු රෝගීන් සංඛ්‍යාව 59,000 ඉක්මවා තිබෙනවා. ජාතික ඩෙංගු මර්දන ඒකකය සඳහන් කළේ ඒ අනුව වසරේ ගතවූ කාලය තුළ වාර්තා වී ඇති සමස්ත ඩෙංගු රෝගීන් සංඛ්‍යාව පනස් වන දහස් 638 ක් බවයි. ඉන් වැඩිම රෝගීන් ප්‍රමාණයක් වාර්තා වී ඇත්තේ පසුගිය ජූනි මාසයේ වන අතර එම රෝගීන් සංඛ්‍යාව විසි එක් දහස් 546 ක්. මේ අතර ජූලි මාසයේ ගතවූ දින 4 තුළ ඩෙංගු රෝගීන් 4,251 ක් ද වාර්තා වනවා. වැඩිම ඩෙංගු රෝගීන් සංඛ්‍යාවක් වාර්තා වන්නේ, බස්නාහිර පළාතෙන් වන අතර එම රෝගීන් සංඛ්‍යාව තිස් එක් දහස් 249 ක්. මේ අතර, ඩෙංගු මදුරුවන් බෝ වන ස්ථාන සම්බන්ධයෙන් දැනුම්දීම සඳහා විශේෂ දුරකතන අංකයක් හඳුන්වා දී තිබෙනවා. ඒ අනුව තම ප්‍රදේශවල මදුරුවන් බෝවන ස්ථාන තිබේ නම්, 0 1179 66 366 යන දුරකතන අංකයට දැනුම් දෙන ලෙසයි මහජනතාවගෙන් ඉල්ලා සිටින්නේ.
