වසර කිහිපයක සිට උගුරේ සහ අමාශයේ වැළඳී තිබූ පිළිකා රෝගී තත්ත්වය හේතුවෙන් අමෙරිකානු නළු ජෝ මැරිනෙලි මියගොස් තිබෙනවා.
“ද මෝනිං ෂෝ” සහ “සැන්ටා බාබරා” හි රංගනයෙන් දායක වූ ඔහු මියයන විට ඔහු 68 හැවිරිදි වියේ පසු වුණා.
මැරිනෙලි 1957 ජනවාරි 21 වන දින කනෙක්ටිකට් හි මෙරිඩන් හි උපත ලැබූ අතර වයස අවුරුදු 4 දී දකුණු කැලිෆෝනියාවට සංක්‍රමණය වී පසුව ලොස් ඇන්ජලීස් හි ආර්කේඩියා උසස් පාසලට සහ නෙවාඩා හි රෙනෝ උසස් පාසලට ඇතුළත් ව අනතුරුව ලන්ඩනයේ ලොයෝලා මේරිමවුන්ට් විශ්ව විද්‍යාලයෙන් සහ රාජකීය නාට්‍ය කලා ඇකඩමියෙන් (RADA) උසස් අධ්‍යාපනය ලබා තිබෙනවා.
1988-90 දක්වා බර්නාඩෝ “බනී” ටැග්ලියාටි ලෙස ඔහු රඟපෑමෙන් පසු, 1993 දී ගයිඩින් ලයිට් නාට්‍යයේ පෝලි හාර්ඩ්මන් චරිතයට රංගනයෙන් දායක වී තිබෙන අතර, 1999-2001 දක්වා කාලයේ ජෙනරල් හොස්පිට්ල්හි ජෝසප් සොරෙල් නමැති චරිතය නිරූපණය කර ඇති බවයි මාධ්‍ය වාර්තා සඳහන් කරන්නේ.
එමෙන්ම ඔහුගේ වෘත්තීය ජීවිතය පුරාම, ඔහු One Last Ride, Hunter, ER, The King of Queens, NYPD Blue, The West Wing, The Practice, House, Castle, Desperate Housewives, Parenthood, The Offer, Ray Donovan ඇතුළුව චිත්‍රපට සහ රූපවාහිනී නිර්මාණ 50කට අධික ප්‍රමාණයකට දායක වී තිබෙනවා.
