මුදල් විශුද්ධිකරණ නඩුවක් අවලංගු කරන ලෙස ඉල්ලා බොලිවුඩ් නිළි ජැකලින් ෆර්නැන්ඩස් ගොනු කළ පෙත්සමක් දිල්ලි මහාධිකරණය විසින් ප්රතික්ෂේප කර තිබෙනවා. ඉන්දීය මූල්ය අපරාධ විමර්ශන කාර්යංශය විසින් ඇයට එරෙහිව පනවා තිබූ පැමිණිල්ල වෙනුවෙන් ඇය මෙම පෙත්සම ඉදිරිපත් කර තිබුණා. ඉන්දීය චිත්රපට නිෂ්පාදකයෙකු මෙන්ම ව්යාපාරිකයෙකු වන චන්ද්රශේඛර් විසින් අයථා ලෙස උපයා ගත් බව කියන ධනය විශුද්ධිකරණය කිරීමට ජැකලින් ෆර්නැන්ඩස් සහාය දැක් වූ බව පවසමින් ඇයට එරෙහිව මෙම පෙත්සම ගොනු කර ඇති බව සඳහන්. අදාළ විත්රපට ව්යාපාරිකයා විසින් විවිධ නිරූපිකාවන් සහ බොලිවුඩ් කීර්තිමත් චරිත වෙනුවෙන් රුපියල් කෝටි 20 කට අධික මුදලක් විවිධ අයුරින් එලෙස වියදම් කර ඇති බව සඳහන්. කෙසේ වෙතත් ඒ අතුරින් කිහිපදෙනෙකු ඔහුගෙන් තෑගි ලබා ගැනීම ප්රතික්ෂේප කර තිබූ බවද වාර්තා වනවා. ඉන්දීය මූල්ය අපරාධ විමර්ශන කාර්යංශය මේ වන විට ජැක්ලින් ෆර්නැන්ඩස්ගේ ඉන්දීය රුපියල් කෝටි හතයි දශම දෙකක් වටිනා වත්කම් සහ ස්ථාවර තැන්පතු අත්පත් කරගෙන ඇති බවයි වාර්තා වන්නේ. ශ්රී ලාංකික නිළියක වන ජැකලින් ෆර්නැන්ඩස් මේ වන විට ඉන්දියාවේ පදිංචිව සිටිනවා.
උණුසුම් පුවත්
- කඩොලාන පරිසර පද්දති ආරක්ශා කර ගැනීමට නව ව්යාපෘතියක් අද සිට ඇරඹෙයි
- මනුෂ්ය ඝාතනයකට සම්බන්ධ හතරක් අල්ලයි
- මහා පරිමාණයෙන් ගේම්දීපු කෝටිපති ව්යාපාරිකයකුගේ පුතෙක් මාට්ටු
- මී කඩන්න ගිහින් ජීවිතෙන් වන්දි ගෙවයි
- ළමුන්ට එරෙහි හිංසනය මැඩපැවැත්වීම සඳහා ජාත්යන්තර සමුළුවක්
- කාම්බෝජය තායිලන්තයෙන් සටන් විරාමයක් ඉල්ලයි
- ගාසා තීරයේ උග්ර මන්දපෝෂණ තත්ත්වයක්
- තමිල්නාඩු ධීවරයින් 185 දෙනෙකු අත්අඩංගුවට