පැවති අයහපත් කාලගුණ තත්ත්වය හේතුවෙන් දිවයින පුරා පැවති ජල පොම්පාගාර 343න් 156කට අර්ධ හෝ පුර්ණ හානි සිදුව ඇති බව ජාතික ජල සම්පාදන හා ජලාපවහන මණ්ඩලය පවසනවා.
මේ වනවිට එම ජල පොම්පාගාරවලින් 126ක් යථා තත්ත්වයට පත්කර ඇති බවයි එම මණ්ඩලයේ සභාපති, චන්දන බණ්ඩාර මහතා පැවසුවේ.
තවත් ජල පොම්පාගාර 30ක් පමණ සකස් කරමින් පවතින බව ද , මීවතුර ජල පොම්පාගාරය අද දිනය තුළ ක්රියාත්මක කිරීමට බලාපොරොත්තු වන බවද වැඩිදුරටත් අදහස් දක්වමින් ඒ මහතා සදහන් කලා.
