සංචාරක ඉන්දීය කණ්ඩායම පරාජය කර තෙවන එක්දින ක්රිකට් තරගයෙන් එක් කඩුල්ලක තියුණු ජයක් ගැනීමට ශ්රී ලංකා ක්රීකට් ක්රීඩක චාමික හීනටිගල සමත් වුණා. හම්බන්තොට මහින්ද රාජපක්ෂ ජාත්යන්තර ක්රිකට් ක්රීඩාංගණයේදී මෙම තරඟය පැවැත්වුණේ.
තරගය ජයගැනීමත් සමග, තරග 3කින් සමන්විත තරගාවලිය 2ට 1ක් ලෙස ජයග්රහණය කිරීමට ද ශ්රී ලංකා යොවුන් කණ්ඩායමට හැකිවුණා. තරගයේ ප්රථමයෙන් පන්දුවට පහරදුන් ඉන්දීය යොවුන් කණ්ඩායම නියමිත පන්දුවාර 50 තුළ ලකුණු 290ක් රැස් කළේ ශ්රී ලංකාවට ලකුණු 291ක ඉලක්කයක් භාර දෙමින්. පිළිතුරු ඉනිම ක්රීඩා කළ ශ්රී ලංකා කණ්ඩායමේ කඩුලු බිඳ වැටෙමින්, තරගයේ ජයග්රහණය ශ්රී ලංකාවෙන් ගිලිහී යමින් පැවති මොහොතක, 7 වැනි පිතිකරු ලෙස පිටියට පිවිසි චාමික හීනටිගල තරගයේ ස්වභාවය වෙනස් කළා. ඔහුගේ මෙම සුපිරි ඉනිම හේතුවෙන් කඩුලු 9ක් දැවීගිය අතර, පන්දුවාරයේ අවසන් පන්දුවේදී ජයග්රහණයෙන් කෙළවර කිරීමට ශ්රී ලංකාවට හැකි වුණා. එහිදී චාමික හීනටිගල නොදැවී ලකුණු 84ක් රැස් කර ගැනීමටයි සමත් වුණේ.
