ගුරු හා විදුහල්පති වෘත්තීය සමිති අද දින උද්ඝෝෂණ ව්යාපාරයක නිරත වීමට තීරණය කර තිබෙනවා. ඒ වැටුප් විෂමතාව ඉවත් කිරීම ඇතුළු ඉල්ලීම් කිහිපයක් මුල්කර ගනිමින්. ලංකා ගුරු සංගමයේ ප්රධාන ලේකම් ජෝසප් ස්ටාලින් මහතා සඳහන් කළේ අද
දහවල් අධ්යාපන අමාත්යාංශය ඉදිරිපිට මෙම උද්ඝෝෂණය පැවැත්වෙන බවයි. ජනාධිපතිවරයා සමඟ අයවැයට පෙර පැවති සාකච්ඡාවේදී ගුරු හා විදුහල්පති වැටුප් විෂමතාව සම්බන්ධයෙන් ප්රමාණවත් අවධානයක් යොමු නොවූ බවයි ඔහු පෙන්වා දෙන්නේ.
එමෙන්ම ගුරුවරුන්ගේ උසස්වීම් ප්රමාදවීම හේතුවෙන් ලක්ෂයකට ආසන්න ගුරු පිරිසක් අසාධාරණයට ලක්ව ඇති බවද ජේසප් ස්ටාර්ලින් මහතා පෙන්වා දුන්නා. මොඩියුලර් ඇගයීම් වෙනුවට විභාග ක්රමයක් හඳුන්වාදීමෙන් ගැටලු රැසක් මතුව ඇති බවත් ගුරුවරුන්ට පවතින අධික ලේඛන කටයුතු බරපතල පීඩාවක් බවත් ඔහු වැඩි දුරටත් අවධාරණය කළා.
