පොදු ව්යාපාර පිළිබඳ කාරක සභාව හෙවත් කෝප් කමිටුවේ සභාපතිවරයා ලෙස පත්වූ රෝහිත අබේගුණවර්ධන මහතා යටතේ කමිටුවට සහභාගී විය නොහැකි බව දන්වමින් මන්ත්රීවරුන් 08 දෙනෙකු මේ වන විට කෝප් කමිටු සාමාජිකත්වයෙන් ඉල්ලා අස්වී තිබෙනවා.
පළමුවෙන් පෙරේදා දිනයේදී පාර්ලිමේන්තු මන්ත්රී ඉරාන් වික්රමරත්න මහතා කෝප් කමිටුවෙන් ඉල්ලා අස්වීමටයි කටයුතු කළේ.
අනතුරු ඊයේ දිනයේදී මන්ත්රීවරුන් 07 දෙනෙකු ඉල්ලා අස්වීමට කටයුතු කළා.
එහිදී මහාචාර්ය චරිත හේරත්, දයාසිරි ජයසේකර, හේෂා විතානගේ, නලින් බණ්ඩාර, එස්.එම්.මරික්කාර්, ෂානක්කියන් රාසමාණික්කම් සහ ගාමිණි වලේබොඩ යන මන්ත්රීවරුන් කෝප් කමිටු සාමාජිකත්වයෙන් ඉල්ලා අස්වීමටයි කටයුතු කළේ.
මේ අතර අද කෝප් කමිටු සාමාජිකත්වයෙන් ඉල්ලා අස්වීමේ ලිපිය කථානායකවරයාට ලබා දෙන බව පාර්ලිමේන්තු මන්ත්රී ඩිලාන් පෙරේරා මහතා පැවසූවා.
එමෙන්ම අද දිනයේදී කෝප් කමිටු සාමාජිකත්වයෙන් ඉල්ලා අස්වන්නේද නැද්ද යන්න පිළිබඳ ප්රකාශයක් සිදු කරන බවයි ජාතික ජන බලවේගයේ නායක පාර්ලිමේන්තු මන්ත්රී අනුර කුමාර දිසානායක මහතා සඳහන් කළේ.
