වසන්ත සමරසිංහ අමාත්යවරයාට සහල්වලින් ලැබෙන කොමිස් මුදල් ගැන රස වැටුන නිසා පිටරටින් සහල් ගේන වැඩසටහන ක්රමාණකූලව මේවන විට ගොවි ජනතාව අස්වැන්න නෙලන කාලය එළැඹ තිබියදීත් සිදුකරමින් සිටින බව ශ්රී ලංකා පොදුජන පෙරමුණේ මැදවච්චිය ආසන සංවිධායක චානක විජේසූරිය මහතා පවසනවා.
ඒ මහතා එසේ ප්රකාශ කළේ මැදවච්චිය නගරයේදී මාධ්යට අදහස් දක්වමින්.
එමෙන්ම වත්මන් ආණ්ඩුව මහින්ද රාජපක්ෂ හිටපු ජනාධිපතිතුමාගේ කදවුරට මිනීමැරුම්, දූෂණය, වංචාව වැනි බොරු චෝදනා දමමින් ජනතාව නොමග යවා බලයට පත්වූ බවත්, අද රටේ ජනතාවට විහිලු සපයන ආණ්ඩුවක් බවට මෙම ආණ්ඩුව පත්ව ඇති බවත් ශ්රී ලංකා මහ බැංකුව පවා හොරාකන ආණ්ඩුවක් බවට වත්මන් ආණ්ඩුව පත්ව ඇති බව ද ශ්රී ලංකා පොදුජන පෙරමුණේ මැදවච්චිය ආසන සංවිධායක චානක විජේසූරිය මහතා කියා සිටියා.
රාජ්ය සේවකයින් ඉතාමත් අමාරුවෙන් සේවය කරන තැනට රාජ්ය සේවය පත් කර ඇති බවත් එයටත් දේශපාලන අතගැසීම් තිබෙන බවත්, මාසික වැටුප පවා රාජ්ය සේවයට ප්රමාණවත් නොවන බවත් වත්මන් ආණ්ඩුව බුද්ධ සාශනය , රණවිරුවන් දඩයම් කරමින් මේවන විට සිටින බවත් සංවිධායක වරයා එහිදී පෙන්වා දුන්නා.
