ගල්කිස්ස ප්රදේශයේ ස්ථාන 03කදී පොලීසිය විසින් සිදුකළ වැටලීම් වලදී හෙරොයින් ළඟ තබාගෙන සිටි පුද්ගලයින් තිදෙනෙකු අත්අඩංගුවට ගෙන තිබෙනවා.
ගල්කිස්ස, ජබොස්ලේන් ප්රදේශයේ දී අයිස් මත්ද්රව්ය ග්රෑම් 10යි මිලිග්රෑම් 400ක් සමග සැකකරුවෙකු අත්අඩංගුවට ගෙන ඇති අතර, රාහුල පාර ප්රදේශයේ දී හෙරොයින් ග්රෑම් 5යි මිලිග්රෑම් 300ක් සන්තකයේ තබාගෙන සිටි පුද්ගලයෙකු අත්අඩංගුවට ගෙන ඇති බවයි පොලීසිය සඳහන් කළේ.
එමෙන්ම රත්මලාන දුම්රියපොළ අසලදී හෙරොයින් ග්රෑම් 5යි මිලිග්රෑම් 100ක් සන්තකයේ තබා ගෙන සිටි සැකකරුවෙකු ද අත්අඩංගුවට ගෙන ඇති අතර පොලීසිය සඳහන් කරන්නේ සැකකරුවන් 32,39 හා 54 වයස්වල පසුවන මොරටුව, රත්මලාන හා ගල්කිස්ස යන ප්රදේශ වල පදිංචිකරුවන් බවයි.
