කටුනායක බණ්ඩාරනායක ජාත්‍යන්තර ගුවන් තොටුපලේදී රත්‍රං සමග පසුගිය 3 වනදා අත්අඩංගුවට ගත් ප්‍රංශ ජාතිකයා ලබන 8 වන දා තෙක් රක්ෂිත බන්ධනාගාරගත කිරීමට මීගමුව වැඩබලන මහේස්ත්‍රාත් ඉන්දික ද සිල්වා මහතා නියෝග කර තිබෙනවා.
මෙම ප්‍රංශ ජාතිකයා රුපියල් අට කෝටි පනස් තුන් ලක්ෂ දස දහස් නවසියයක් වටිනා රත්ත්‍රං තොගයක් නීති විරෝධී ලෙස මෙරටට රැගෙන ඒමේදී ශ්‍රී ලංකා රේගුව විසින් අත්අඩංගුවට ගෙන තිබුණා.
එහිදි ඔහුගේ ගමන් බෑගයේ තිබී රන් මාල කිහිපයක් සොයාගෙන ඇති අතර එම රත්‍රං තොගය පසුව රාජසන්තක කිරීමට පියවර ගැනුණා.
අනතුරුව මෙම ප්‍රංශ ජාතිකයාට රුපියල් කෝටි 7 ක දඩ මුදලක් ගෙවන ලෙස මීගමුව වැඩබලන මහේස්ත්‍රාත්වරයා නියෝගයක් ද නිකුත් කිරීමටයි කටයුතු කළේ.
මීට පෙර පාර්ලිමේන්තු මන්ත්‍රී අලි සබි්‍ර රහීම් මහතා රුපියල් කෝටි 8 ක් වටිනා රත්‍රං තොගයක් මෙරටට ගෙන ආ අවස්ථාවේදී ඔහුට එම වටිනාකමෙන් සියයට 10 ක්, එනම් හැත්තෑපන් ලක්ෂයක දඩ මුදලක් ගෙවන ලෙසයි නියෝග කළේ.
කෙසේ වෙතත් මෙම ප්‍රංශ ජාතිකයා රැගෙන ආ රත්‍රං තොගයේ වටිනාකමට අදාළව සියයට සියයක දඩමුදලක් ගෙවන ලෙසයි නියෝග කර ඇත්තේ.
