එක්දින ලෝක කුසලාන ක්‍රිකට් තරගාවලියේ 25 වැනි තරඟය ජය ගැනීමට ශ්‍රී ලංකා කණ්ඩායම ඊයේ සමත් වුණා.
ඒ එංගලන්ත කණ්ඩාය කඩුළු 08න් පරාජයට පත් කරමින්.
තරඟයේ පළමුවෙන් පන්දුවට පහරදුන් එංගලන්ත කණ්ඩායමට පන්දුවාර 33යි පන්දු 2ක් අවසානයේ සියලුදෙනා දැවී රැස් කරගත හැකි වූයේ ලකුණු 156ක් පමණයි.
මෙහිදී හුදෙකලා ඉනිමක් ක්‍රීඩා කරමින් බෙන් ස්ටොක් ලකුණු 43ක් රැස් කළා.
පන්දු යැවීමේදී ලහිරු කුමාර කඩුළු 03ක් දවා ගැනීමට සමත් වූ අතර, ඇන්ජලෝ මැතිව්ස් සහ කසුන් රාජිත කඩුළු 2ක බැගින් බිඳ හෙළනු ලැබුවා.
ඒ අනුව පිළිතුරු ඉනිම ක්‍රීඩා කළ ශ්‍රී ලංකා කණ්ඩායම පන්දුවාර 25යි පන්දු 4ක් අවසානයේ කඩුළු 2ක් පමණක් දැවී ලකුණු 160ක් ලබා ගනිමින් තරඟය ජයග්‍රහණය කළා.
මෙහිදී පැතුම් නිශ්ශංක නොදැවී ලකුණු 77ක් සහ සදීර සමරවික්‍රම නොදැවී ලකුණු 65ක් ලබා ගනිමින් තරඟය ජයග්‍රහණය කරා ගෙන ගියා.
