අසභ්‍ය වීඩියෝ දර්ශන පටිගත කර වෙබ් අඩවියකට උඩුගත කරන ලද විවාහක අඹුසැමි යුවලක් මිරිහාන පොලිසියේ ළමා හා කාන්තා කාර්යාංශය මගින් අත්අඩංගුවට ගෙන තිබෙනවා.
රාජගිරිය වැලිකඩ ප්‍රදේශයේදී මෙම සැකකරුවන් අත්අඩංගුවට ගෙන ඇති අතර ඔවුන් එම වීඩියෝ දර්ශන වැඩිහිටියන්ට පමණක් ඇතුළු විය හැකි වෙබ් අඩවිවලට ඇතුළත් කර ඇති බවයි වාර්තා වන්නේ.
වයස අවුරුදු 37ක් සහ 36ක් වන මෙම සැකකාර අඹුසැමි යුවලේ සැමියා පරිගණක ඉංජිනේරුවක් බවත් බිරිය මනෝ විද්‍යා උපදේශකවරියක් බවත් වාර්තා වනවා.
ඔවුන් දෙදෙනා විසින් අදාළ වෙබ් අඩවිය සඳහා වීඩියෝ පට 334ක් පමණ උඩුගත කර ඇති බවටයි වාර්තා වන්නේ.
අත්අඩංගුවට ගැනුණු සැකකරු සහ සැකකාරිය අලුත්කඩේ මහේස්ත්‍රාත් අධිකරණයට හෙට(09) අධිකරණයට ඉදිරිපත් කිරීමට නියමිතයි.
