අධික වර්ෂාව සමඟ ඇති වූ සුළිකුණාටුවක් හේතුවෙන් යාපනයේ ප්‍රදේශ කිහිපයක පුද්ගලයින් තිදෙනෙකු තුවාල ලබා ඇති අතර නිවාස හානි සමගින් පුද්ගලයින් 222 දෙනෙකු පීඩාවන්ට පත්ව ඇති බව ආපදා කළමනාකරණ ඒකකය පවසනවා .
උතුරු පළාතට බලපා ඇති අයහපත් කාලගුණික තත්ත්වය හේතුවෙන් වවුනියාව දිස්ත්‍රික්කයේ ප්‍රධානතම ජලාශයවන පාවක්කුලම ජලාශයේ වාන් දොරටු විවෘත කර තිබෙන බවයි වාර්තා වන්නේ .
ඒ අනුව අදාළ ජලාශයේ වාන් දෙරටු 04 ම මේ වන විට විවෘත කර ඇති අතර පහත්බිම්වල ජනතාවට ඒ පිළිබඳව අවධානයෙන් පසුවන ලෙස වාරි ඉංජිනේරුවරුන් දැනුවත් කර තිබෙනවා .
කන්දසාමි නගර්, ක්රිස්තවකුලම් පවක්කුලම් හා වෙප්පම්කුලම් යන ප්‍රදේශවල ජනතාවට මෙම ජලය ගලා යාමත් සමඟ එම ප්‍රදේශවල ගංවතුර අවධානමක් මතු විය හැකි බැවින් එම ප්‍රදේශවල ජනතාව අවධානයෙන් පසු වන ලෙසයි අපදා කළමනාකරණ නිලධාරින් වැඩිදුරටත් සඳහන් කර සිටියේ .
