පාතාල කල්ලි නායකයෙකු වන කෙහෙල්බද්දර පද්මේ සහ කමාන්ඩෝ සලින්ත යන අපරාධකරුවන් සම්බන්ධයෙන් තාක්ෂණික පැතිකඩ ඔස්සේ අපරාධ පරීක්ෂණ දෙපාර්තමේන්තුව විමර්ශන ආරම්භ කර ඇති බව පොලිස් මාධ්ය ප්රකාශක, සහකාර පොලිස් අධිකාරී එෆ්.යූ.වුට්ලර් මහතා පවසනවා.කොළඹ දී කැදවා තිබූ ප්රවෘත්ති සාකච්ඡාවකට එක්වෙමින් පොලිස් මාධ්ය ප්රකාශකවරයා සදහන් කළේ මෙම අපරාධකරුවන් අත්අඩංගුවට ගත් බවට රාජ්ය තාන්ත්රික මට්ටමින් කිසිදු නිල තොරතුරක් මැලේසියාවෙන් මෙතෙක් ලැබී නොමැති බවයි. කෙසේ වෙතත් එවැනි පසුබිමක වසරේ මේ දක්වා මෙරටින් වාර්තා වූ වෙඩි තැබීම් 68 න් 50 ක්ම සංවිධානාත්මක අපරාධකරුවන් සම්බන්ධයෙන් වාර්තා වූ වෙඩි තැබීම් බවට අනාවරණ වී තිබෙනවා. ඉන් පුද්ගලයින් 37 දෙනෙකු මිය ගොස් ඇති අතර, 34 දෙනෙකුම සංවිධානාත්මක අපරාධ කල්ලි සාමාජිකයින් බවයි පොලිස් මාධ්ය ප්රකාශකවරයා සදහන් කළේ. වෙඩි තැබීම් 68 ට අදාළව වෙඩික්කරුවන් 24 දෙනෙකු සහ වෙඩික්කරුවන් පැමිණි වාහන සහ යතුරුපැදිවල රියදුරන් 15 දෙනෙකු අත්අඩංගුවට ගෙන ඇති බවද සඳහන්. එමෙන්ම මෙම වසරේ මේ දක්වා ටී – 56 ගිනි අවි 23 ක් ඇතුලළුව ගිනි අවි 1165 ක් පොලිසිය භාරයට ගෙන ඇති බවද පොලිස් මාධ්ය ප්රකාශක, සහකාර පොලිස් අධිකාරී එෆ්.යූ.වුට්ලර් මහතා මෙම මාධ්ය හමුවේදී සදහන් කළා.
උණුසුම් පුවත්
- ඔත්තේ ඉරට්ටේ ක්රමයට අද සිට QR එකට ඉන්ධන
- වියළි ගංජා සමග දෙදෙනෙක් අල්ලයි
- නිති විරෝධී බීඩි කොළ තොගයක් සමග සැකකරුවන් දෙදෙනෙක් අත්අඩංගුවට
- කිරිඳිවැල පුද්ගල ඝාතනයක්
- ප්රදේශ කිහිපයකට මිලිමීටර් 50ට වැඩි තද වැසි
- සෑම සතියකම බදාදා දිනය රජයේ විශේෂ නිවාඩු දිනයක්..
- ඉරානයට දැවැන්ත ප්රහාර මාලාවක්
- රනිල් සිංගප්පූරුව බලා පිටත්ව යයි














