ඉන්දීය විදේශ ලේකම් විනේ මොහාන් ක්වාත්‍රා මුරුසි රාජ්‍යයේ අග්‍රාමාත්‍ය ප්‍රවින්ද් කුමාර් ජුග්නවුත් හමුව තිබෙනවා.
ඒ පෝට් ලුවිස් හි නව භාණ්ඩාගාර ගොඩනැගිල්ලේදීයි.
එම අවස්ථාව සඳහා මුරුසියේ ඉන්දීය මහ කොමසාරිස් කේ. නන්දිනී සින්ග්ලා ද සහභාගී වු බව විදෙස් මාධ්‍ය වාර්තා කළා.
දෙරට අතර හවුල්කාරිත්වය සහ ඉන්දියාවට මුරුසි රාජ්‍යය වෙනුවෙන් සිදු කළ හැකි අනාගත සංවර්ධන ව්‍යාපෘති සම්බන්ධයෙන් එහිදී දෙපාර්ශවයේ අවධානය යොමුව තිබෙනවා.
ඉන්දියාව විසින් මේ වනවිටත් ආරම්භ කර ඇති මෙට්‍රෝ එක්ස්ප්‍රස් ව්‍යාපෘතිය, රෝහල් හා ශ්‍රේෂ්ඨාධිකරණය වැනි ජනතා කේන්ද්‍රීය ස්ථාන සංවර්ධන ව්‍යාපෘති සම්බන්ධයෙන් මුරුසි අග්‍රාමාත්‍යවරයා එහිදී ඉන්දියාවට ප්‍රශංසාව පළ කර තිබෙනවා.
