ලාංකිකයන්ට සංචාරක වීසා ලබාදීම වහාම ක්රියාත්මක වන පරිදි අත්හිටුවීමට තායිවාන විදේශ කටයුතු අමාත්යාංශය තීරණය කර තිබෙනවා. එමෙන්ම තවත් රටවල් 12 කට සංචාරක වීසා නිකුත් කිරීම අත්හිටුවිමටයි එරට විදේශ කටයුතු අමාත්යාංශය පියවර ගෙන ඇත්තේ . කෙසේ නමුත් එරට රාජ්ය ආයතනයක ආරාධනාව මත තායිවනයේ නිල සංචාරයක යෙදෙන පුද්ගලයනට එම තීරණය අදාළ නොවනු ඇති. ඊට අමතරව ජාත්යන්තර රැස්වීම් , ක්රීඩා තරගාවලි හෝ සංස්කෘතික හුවමාරු වැඩසටහන් සදහා තායිවානයට පැමිණෙන්නන්ට මෙම තිරණය අදාළ නොවන බවද වාර්තා වනවා. එමෙන්ම වෛද්ය ප්රතිකාර සඳහා තායිවානයට පැමිණෙන පිරිස් හට සහ තායිවාන පුරවැසියන්ගේ පවුලේ සමාජිකයන්ට මෙම තීරණයෙන් බලපෑමක් එල්ල නොවන බවද සදහන්. නව රෙගුලාසි යටතේ වීසා අයැදුම් කරන්නන්ට සිංගප්පූරුවේ තායිවාන නියෝජිත ආයතනයෙන් හෝ චෙන්නායිහි පිහිටි ආර්ථික හා සංස්කෘතික
මධ්යස්ථානයට අයැදුම්පත් ඉදිරිපත් කළ හැකි බවද තායිවාන විදේශ කටයුතු අමාත්යාංශය ප්රකාශ කළා. කෙසේ නමුත් තායිවානයට පැමිණෙන ශ්රී ලාංකිකයන්ට තායිවාන පදිංචිකරුවකු ඇප විය යුතු බවත් අපරාධකරුවකු නොවන බවට තහවුරු කිරීමට පොලිස්
සහතිකය ඉදිරිපත් කළ යුතු බවත් එම අමාත්යාංශය පවසනවා.
