සංවිධානාත්මක අපරාධ කල්ලි සාමාජිකයෙකු මෙන්ම ජාත්යන්තර මත්ද්රව්ය ජාලයේ ක්රියාකාරී සාමාජිකයෙකු වන 38 හැවිරිදි රාජපක්ෂ පතිරණලාගේ ප්රභාත් මධුසංඛ නොහොත් මිදිගම චූටි ඕමානයේ සිට විශේෂ පොලිස් නිලධාරීවරුන් කණ්ඩායමක් විසින් අද(30) දින අලුයම කටුනායක ගුවන් තොටුපොළ වෙත රැගෙනවිත් තිබෙනවා.
ඔහු මෙරට තුළ මිනීමැරුම්, මංකොල්ලකෑම්, ගිනි අවි සන්තකයෙහි තබා ගැනීම, මත්ද්රව්ය ජාවාරම ඇතුළු චෝදනා රැසකට ශ්රී ලංකාවේ අධිකරණ කිහිපයකදීම චෝදනාවට ලක් වී සිටින්නෙකි.
මිදිගම චූටි අත්අඩංගුවට ගැනීම සඳහා ශ්රී ලංකාවේ ආරක්ෂක අංශ විසින් ජාත්යන්තර රතු නිවේදන නිකුත් කර තිබූ අතර, ඔහු ඕමානයේ සුපිරි හෝටලයක රැදී සිටියදී එරට ආරක්ෂක අංශ විසින් අත්අඩංගුවට ගෙන තිබෙනවා.
පසුව ශ්රී ලංකා පොලිස් නිලධාරීවරුන් කණ්ඩායමක්, ඕමානයේ මස්කට් නුවර වෙත ගොස්, අද (30) දින අලුයම 04.27 ට ස්ලාම් එයාර් ගුවන් සේවයේ ඕ.වී.- 437 දරන ගුවන් යානයෙන් කටුනායක ගුවන් තොටුපොළ වෙත රැගෙනවිත් තිබෙනවා.
කටුනායක ගුවන් තොටුපොළ වෙත ගෙන ආ මිදිගම චූටි, එහිදී ප්රකාශ සටහන් කරගැනීමෙන් පසුව කොළඹ අපරාධ පරීක්ෂණ දෙපාර්තමේන්තු මූලස්ථානය වෙත දැඩි රැකවරණ මධ්යයයේ රැගෙන යාමට පියවර ගෙන තිබුණා.
