දකුණු මුහුදේදී මත්ද්රව්ය ප්රවාහනය කරන බවට සැකපිට නාවික හමුදා භාරයට ගත් බහුදින ධිවර යාත්රා දෙක සහ සැකකරුවන් 11 දෙනා දික්ඕවිට ධීවර වරායට රැගෙනවිත් තිබෙනවා.
පොලිසිය විසින් ලබා දුන් තොරතුරකට අනුව නාවික හමුදාව විසින් දිගුදුර නෞකා යොදාගනිමින් මෙම බහුදින ධීවර යාත්රා දෙක සොයා විශේෂ මෙහෙයුමක් සිදු කලේ ඊයේ පෙරවරුවේදීයි.
නාවික හමුදා මාධ්ය ප්රකාශක කමාන්ඩර් බුද්ධික සම්පත් මහතා සදහන් කලේ මත්ද්රව්ය ප්රවාහනය කරමින් තිබූ ඉන් එක් යාත්රාවක පුද්ගලයින් 5දෙනෙකු සහ අනෙක් යාත්රාවේ පුද්ගලයින් 6දෙනෙකු සිටි බවයි.
මෙම යාත්රාවන්හි මත්ද්රව්යකිලෝ ග්රෑම් 270ක් පමණ ඇති බවට සැක කෙරෙනවා.
නාවික හමුදා භාරයට ගත් යාත්රා දෙක සහ සැකකරුවන් 11 දෙනා ඉදිරි නීතිමය කටයුතු සඳහා පොලිස් මත්ද්රව්ය නාශක කාර්යාංශය වෙත භාරදීමට නියමිත බවයි වාර්තා වන්නේ.
